: हुण्डी तथा अभौतिक मुद्राको कारोबारमा संलग्न रहेको आरोपमा २ जना भारतीय नागरिक पक्राउ परेका छन्।
साढे १ अर्ब रुपैयाँभन्दा बढीको क्रिप्टो कारोबार गरेको आरोपमा भारतको बिहार मोतिहारी घर भई ललितपुर महानगरपालिका-२ सानेपा बस्ने ४३ वर्षीय रूपेश कुमार गुप्ता र भारत बिहार पूर्वी चम्पारण बिजबानी घर भएका २२ वर्षीय बिपिन कुमार रहेका छन्।
ललितपुर महानगरपालिका-२ सानेपा कालोपुलमा हुण्डी तथा अभौतिक मुद्राको कारोबार गरिरहेको सूचनाको आधारमा केन्द्रीय अनुसन्धान ब्यूरोबाट खटिएको प्रहरीले सोही ठाउँस्थित राजतीर्थ ट्रेडर्स नाम गरेको किराना पसलको आवरणमा हुण्डी तथा अभौतिक मुद्राको कारोबार गरिरहेको अवस्थामा फेला पारी उनीहरूलाई पक्राउ गरेको हो।
साथै प्रहरीले उनीहरूको साथबाट ७४ ग्राम तौलको संरक्षित वन्यजन्तु कस्तुरीको विना (अखेटोपहार) जस्तो देखिने वस्तु १ थान, नगद ८ लाख २० हजार नेपाली रुपैयाँ, १० हजार भारतीय रुपैयाँ र मोबाइल ५ थान समेत बरामद गरेको छ।
उनीहरू उपर अभौतिक मुद्राको प्रयोग गर्न नहुने, हुण्डी सम्बन्धी कारोबार गर्न नहुने कसूर र वन्यजन्तु सम्बन्धी कसूरमा प्रहरीबाट आवश्यक अनुसन्धान भइरहेको छ।
