: गाजाको एक मेडिकल पोइन्ट नजिकै इजरायली आक्रमणमा कम्तीमा १५ प्यालेस्टिनीको मृत्यु भएको छ। यसमा आठ बालबालिका र दुई महिला रहेका छन्।
अल–अक्सा शहीद अस्पतालले दीर अल–बलाह शहरमा औषधि लिन लाइनमा बसेका मानिसलाई लक्षित गरी आक्रमण गरिएको जनाएको छ।
अस्पतालले जारी गरेको भिडियोमा केही बालबालिका र अन्य व्यक्तिको उपचार भइरहेको देखाइएको छ।
आक्रमणबारे इजरायली सेनाले अनुसन्धान भइरहेको बताएको छ।
बिहीबार गाजामा अन्यत्र भएका आक्रमणमा थप २६ जनाको मृत्यु भएको जनाइएको छ।
यसैबीच नयाँ युद्धविराम र बन्धक रिहाइ सम्झौताका लागि इजरायल र हमास प्रतिनिधिमण्डलबीच कतारमा वार्ता जारी छ।
