: नेपाल प्रिमियर लिग (एनपीएल)को अक्सनका लागि खेलाडी दर्ता खुला भएको छ। नेपाल क्रिकेट संघ (क्यान)ले दोस्रो संकरणको एनपीएलको अक्सनका लागि खेलाडी दर्ता खुला गरेको हो।
क्यानका प्रवक्ता छुम्बी लामाले विज्ञप्ति जारी गर्दै एनपीएलको दोश्रो संस्करणमा सहभागी हुन ईच्छुक नेपाली खेलाडीको अक्सनका लागि खेलाडी दर्ता प्रकृया खुला गरिएको जानकारी गराए। फ्रेन्चाईज टोलीबाट रिलिज भएका खेलाडी तथा एनपीएल अक्सनमा सहभागी हुन चाहने नेपाली खेलाडीले https://npl-t20.com/registration मा गएर आफ्नो नाम दर्ता गराउन सक्ने उनले बताए।
क्यानका अनुसार अक्सनमा सहभागी हुने खेलाडीले आफ्नो इच्छाअनुसार ‘ए’, ‘बी’ र ‘सी’ गरी तीन श्रेणीमा नाम दर्ता गराउन सक्नेछन्।
क्यानले खेलाडी दर्ता शुल्क एक हजार तोकेको छ। साउन ६ गतेसम्म खेलाडी दर्ता खुला रहने क्यानले जनाएको छ।
