साफ यू२० महिला च्याम्पियनसिपको नेपाल र श्रीलंका बीचको खेल १ घन्टा पछि सारिएको छ। अझै पहिलो खेलको दोस्रो हाफको खेल सुरु हुन सकेको छैन।
भारी वर्षाका कारण मैदान खेलका लागि अनुपयुक्त भएकोले मंगलबार जारी भुटान र बंगलादेश बीचको पहिलो खेल हालका लागि रोकिएको छ।
म्याच कमिश्नरले मैदानको अवस्थाको अवलोकन गर्ने र त्यसपछि खेल सञ्चालन गर्ने वा नगर्ने निर्णय लिइने बताइएको छ। हाल मैदानको सुधारका लागि गोलपोस्ट मुनि त्रिपाल राखी पानी सोस्ने प्रयास जारी रहेको बताइएको छ।
