— स्वास्थ्य तथा जनसंख्यामन्त्री प्रदीप पौडेलले स्वास्थ्य बिमाबापतको रकम भदौमा भुक्तानी गरिने बताएका छन् । बिमाको भुक्तानी दुई किस्तामा गरिने उनले जानकारी गराए ।
पछिल्लो समय सरकारी अस्पतालमा नागरिकको विश्वास बढेकाले उपचारका लागि आकर्षण बढेको मन्त्री पौडेलले दाबी गरे । सीमित साधनस्रोतले सबै बिरामीको चाप थेग्न नसक्ने हुँदा अब सबै पालिकामा प्राथमिकस्तरको अस्पताललाई सेवासुविधायुक्त बनाउने सरकारको लक्ष्य रहेको पौडेलले सुनाए ।
हुप्सेकोट गाउँपालिकामा ५ शय्याको देउराली प्राथमिक अस्पतालको उद्घाटन गर्दै मन्त्री पौडेलले उक्त कुरा बताएका हुन् ।
साउन १ गतेदेखि देशभरका ४८ वटा अस्पतालले नयाँ भवनबाट सेवा सुरु गरेको जानकारी दिँदै मन्त्री पौडेलले स्थानीय सरकारको नेतृत्वमा सञ्चालन हुने ती अस्पतालमा प्रदेश र केन्द्र सरकारले स्रोतसाधन उपलब्ध गराउने बताए ।
उनले विभिन्न जटिल रोगहरूको उपचारमा नागरिकलाई सहुलियत प्रदान गर्न राज्यले एकमुष्ट रकम छुटको सुविधा प्रदान गरेको उनले सुनाए ।
