— उत्तरी ढाकास्थित एक क्याम्पस परिसरमा बंगालादेशी सेनाको जेट विमान दुर्घटनाग्रस्त भएको छ । एसोसिएट प्रेसले सेना र अग्नि नियन्त्रकहरुलाई उद्धृत गर्दै घटनामा एकको मृत्यु भएको र अन्य केही घाइते भएको उल्लेख गरेको छ ।
बंगालादेशको स्थानीय जमुना टीभीका अनुसार दुर्घटनाका बेला कलेज परिसरमा विद्यार्थीहरु बाहिरै थिए । टेलिभिजन फुटेजमा दुर्घटनास्थलबाट आगोको मुस्लो माथिसम्म गएको र धुवाँ पुत्ताइरहेको दृश्य देखिन्छ । टीभीले घटनामा १३ विद्यार्थी घाइते भएको जनाएको छ ।
बंगलादेशी सेनाको जनसम्पर्क कार्यालयले संक्षिप्त विज्ञप्ति जारी गर्दै एफ-७ बीजीआई विमान दुर्घटनामा परेको पुष्टि गरेको छ ।
