— क्यामरुन ग्रिनले बनाएको अविजित ५५ र जोस इंग्लिसको ५१ रनको मदतले अस्ट्रेलियाले शनिबार वेस्ट इन्डिजलाई चौथो ट्वान्टी–२० अन्तर्राष्ट्रियमा तीन विकेटले पराजित गरेको छ ।
पहिले ब्याटिङको निम्तो पाएको वेस्ट इन्डिजले नौ विकेटमा २ सय ५ रन बनाएको थियो । अस्ट्रेलियाले जवाफमा सात विकेट गुमाएर १९.२ ओभरमा विजयी लक्ष्य आत्मसात् गर्यो । यस जितसँगै अस्ट्रेलियाले पाँच खेलको सिरिजमा ४–० को अग्रता लिएको छ । अब सोमबार वार्नर पार्कमा हुने अन्तिम खेल जितेर अस्ट्रेलियाले शृंखला पनि ‘ह्वाइट वास’ गर्न सक्नेछ ।
ग्रिनले ३५ बलमा आफ्नो अर्धशतक पूरा गरे । उनले तीन छक्का र तीनै चौका प्रहार गरे । इंग्लिसले भने एक छक्का र दस चौका प्रहार गरे । यसका लागि उनले ३० बलको मात्र सामना गरे ।
ओपनर ग्लेन म्याक्सवेलले १८ बलमा ४७ रन जोडे र त्यसमा छ छक्का र एक चौका सामेल थियो । यसपल्ट अस्ट्रेलियाको जित आफैंमा सजिलो भने रहेन् र कप्तान एवं अर्का ओपनर मिचेल मार्स दोस्रो बलमै एलबीब्लू भए । वेस्ट इन्डिजको इनिङ्समा भने सबैभन्दा ठूलो व्यक्तिगत स्कोर ३१ रन मात्रै थियो र यो सबैको कारण रह्यो, अस्ट्रेलियाको उत्कृष्ट फिल्डिङ । घरेलु टिमका लागि उच्च स्कोर बनाउने ब्याटर भने सेरफान रडरफोर्ड रहे ।
