: इजरायली सुरक्षा मन्त्रिपरिषद्को गाजा सहरको नियन्त्रण लिने योजनालाई लिएर विश्वव्यापी रूपमा भइरहेको आलोचनालाई इजरायलले पूर्ण रूपमा अस्वीकार गरेको छ।
इजरायली रक्षामन्त्री इजरायल काट्जले इजरायलको निन्दा गर्ने र प्रतिबन्ध लगाउने धम्की दिने देशहरूले ‘हाम्रो संकल्पलाई कमजोर पार्न सक्ने छैनन्।’
उनले भने, ‘हाम्रा शत्रुहरूले हामीलाई बलियो, संयुक्त मुट्ठीको रूपमा पाउनेछन् जसले उनीहरूलाई ठुलो बलका साथ आक्रमण गर्नेछ।’
गाजा शहरलाई नियन्त्रणमा लिने इजरायलको निर्णयको संयुक्त राष्ट्र संघ, बेलायत, फ्रान्स र क्यानडा लगायत धेरै देशले निन्दा गरेका छन्। यस्तै जर्मनीले इजरायलमा सैन्य निर्यात रोक्न आह्वान गरेको छ।
इजरायली सुरक्षा मन्त्रिपरिषद्ले शुक्रबार गाजा सहरको नियन्त्रण लिने योजनालाई अनुमोदन गरेको छ। यस्तै युद्ध अन्त्य गर्नका लागि पाँच सर्त राखेको छ।
