— प्रहरीले नेपाल कम्युनिष्ट पार्टी (नेकपा) बहुमतका चितवन जिल्ला सचिव ध्रुव खड्कालाई पक्राउ गरेको छ ।
चितवनको पूर्वी भेग खैरहनीमा रहेको नापी कार्यालयका प्रमुख शालिकराम लम्सालमाथि हिजो मंगलबार दिउँसो केही व्यक्तिहरूले उनको कार्यकक्षमै पसेर कालोमोसो दलेका थिए ।
सोही घटनामा संलग्न भएको आरोपमा खड्का पक्राउ परेको चितवन प्रहरीले जनाएको छ । हिजै मंगलबार पक्राउ परेका खड्कालाई जिल्ला प्रहरी कार्यालयको हिरासतमा राखेको कार्यालयका प्रवक्ता डिएसपी रविन्द्र खनालले जानकारी दिए ।
खड्काको साथबाट नौवटा पर्चा पनि बरामद भएको खनालले बताए । नेकपा बहुमत चितवनका इन्चार्ज दिपकले प्रेस विज्ञप्ति जारी गर्दै खड्कालाई रिहा गर्न माग गरेका छन् ।
