— वर्षाले सप्तकोशी नदीमा पानीको बहाव वृद्धि भइरहेको छ । मंगलबार रातिदेखि पहाडी क्षेत्रमा वर्षा भइरहेको छ । बुधबार बिहान ६ बजे गरिएको मापनअनुसार पानीको बहाव १ लाख ६६ हजार १ सय ५० क्युसेक प्रतिसेकेन्ड रहँदा दिउँसो १ लाख ९० हजार पार गरेको थियो ।
दिउँसो १२ मापन गर्दा पानीको बहाव १ लाख ९१ हजार ९ सय १० क्युसेक प्रतिसेकेन्ड पुगेको ब्यारेज प्रशासनले जनाएको छ । त्यसअघि बिहान १० बजे १ लाख ७७ हजार ८ सय ३५ क्युसेक प्रतिसेकेन्ड पानीको बहाव मापन गरिएको थियो ।
पानीको बहाव वृद्धि भइरहँदा ५६ मध्ये २३ वटा ढोका खोलिएको छ भने खतराको संकेतस्वरूप कोशी ब्यारेजमा रातो झण्डा र बत्ती बालिएको छ । नदीमा १ लाख ५० हजार क्युसेक प्रतिसेकेन्ड पानीको बहाव नाघेपछि ब्यारेजमा रातो झण्डा र बत्ती बाल्ने गरिन्छ ।
