— अलास्कामा अमेरिकी राष्ट्रपति र रुसी राष्ट्रपतिको भेट–वार्ता निष्कर्षविहीन बनेपछि युक्रेनका राष्ट्रपति अमेरिका जाने भएका छन् । ट्रम्पले जेलेन्स्कीसँग टेलिफोन वार्ता गरी वासिङ्टन बोलाएपछि उनी अमेरिका जान लागेका हुन् ।
बीबीसीका अनुसार उनी सोमबार वासिङ्टनका लागि उड्दै छन् ।
शनिबार बिहान राष्ट्रपति ट्रम्प र राष्ट्रपति पुटिनबीच अलास्कामा तीन घन्टा वार्ता भएको थियो । उनीहरुको वार्तामा युद्ध विरामबारे कुनै सहमति नभएपछि राष्ट्रपति ट्रम्पले राष्ट्रपति जेलेन्स्कीलाई टेलिफोनमार्फत निम्तो दिएका थिए ।
पुटिनसँग तीन घन्टा वार्ता गरेर वासिङ्टन फर्कँदै गर्दा राष्ट्रपति ट्रम्पले एयरफोर्स वानबाटै राष्ट्रपति जेलेन्स्कीसँग टेलिफोन संवाद गरेका थिए । कुराकानीपश्चात युक्रेनी राष्ट्रपति जेलेन्स्कीले आफू आगामी सोमबार वासिङ्टन जाने बताएका हुन् ।
