: श्रीलंकाका पूर्वराष्ट्रपति रनिल विक्रमसिंघेलाई सरकारी कोषको दुरुपयोग गरेको आरोपमा पक्राउ गरिएको छ।
उनीमाथिको यो आरोप राष्ट्रपति हुँदा गरेका विदेश भ्रमणसँग सम्बन्धित रहेको त्यहाँको प्रहरीले जनाएको छ।
सन् २०२३ मा न्यूयोर्कमा आयोजित संयुक्त राष्ट्र संघको महासभाबाट फर्कने क्रममा उनी सरकारी खर्चमा व्यक्तिगत कामका लागि आफ्नी श्रीमतीसँग लन्डनमा बसेको आरोप छ।
उनलाई शुक्रबार राजधानी कोलम्बोको मजिस्ट्रेट अदालतमा पेस गरिने भएको छ। यसअघि उनले आपराधिक अनुसन्धान विभाग (सीआईडी)लाई बयान दिइसकेका छन्।
रानिल विक्रमसिंघेले आफूमाथि लगाइएका आरोपहरूको खण्डन गरेका छन्। आफू लन्डनमा धेरै बैठकमा उपस्थित भएको उनले बताए।
विक्रमसिंघे २०२२ देखि २०२४ सम्म श्रीलंकाको राष्ट्रपति भएका थिए।
आर्थिक संकटका कारण देशमा व्यापक विरोध प्रदर्शन भइरहेका बेला एपछि गोताबाया राजपक्षे देश छोडेर गएपछि उनले यो पद पाएका हुन्।
