: अमेरिकी राष्ट्रपति डोनाल्ड ट्रम्पले सर्जिओ गोरलाई भारतका लागि अमेरिकी राजदूतमा नियुक्त गरेको घोषणा गरेका छन्।
अमेरिकी राष्ट्रपतिले सर्जिओ गोरलाई भारतका लागि नयाँ अमेरिकी राजदूत र दक्षिण तथा मध्य एशियाका लागि विशेष दूत नियुक्त गर्ने बताएका हुन्।
भारतमाथि अमेरिकाले लगाएको करलाई लिएर विवाद भइरहेको छ। यसै समयमा गोरलाई भारतका लागि अमेरिकी राजदूत बनाइएको छ। यससँगै भारत र चीन नजिकिँदै गएको देखिन्छ।
ʻमलाई भारतका लागि संयुक्त राज्य अमेरिकाको अर्को राजदूत र दक्षिण तथा मध्य एसियाली मामिलाका लागि विशेष दूतको रूपमा सर्जिओ गोरलाई नियुक्त गर्ने घोषणा गर्न पाउँदा खुसी लागेको छ,ʼ ट्रम्पले भने।
ट्रम्पले गोरलाई आफ्नो असल साथी र विश्वासपात्र भएको बताए।
गोरको कार्यशैली पनि विवादास्पद रहेको छ। यस वर्षको सुरुमा टेस्ला र स्पेसएक्सका सीईओ एलोन मस्कसँग ट्रम्पको द्वन्द्वमा उनले भूमिका खेलेको बताइन्छ।
मस्कले गोरलाई ʻसर्पʼ पनि भनेका थिए।
