: आम आदमी पार्टीका राष्ट्रिय संयोजक अरविन्द केजरीवालले अमेरिकी राष्ट्रपति डोनाल्ड ट्रम्पलाई कायर भनेका छन्। नेता केजरीवालले भारतीय प्रधानमन्त्री नरेन्द्र मोदी सरकार राष्ट्रपति ट्रम्पको अगाडि झुकेको आरोप लगाएका हुन्।
पत्रकार सम्मेलनमा अरविन्द केजरीवालले भने, ʻट्रम्प एक कायर मान्छे हुन्। मोदीजी के बाध्यताले ट्रम्पको अगाडि पूर्ण रूपमा झुकेका हुन् मलाई थाहा छैन।ʼ
ट्रम्पले ५० प्रतिशत कर लगाएपछि भारतले पनि बदलामा १०० प्रतिशत कर लगाउनुपर्ने उनले बताए। १४० करोड जनता कम नभएको भन्दै उनले भारतको बजार धेरै ठुलो रहेको बताए।
केजरीवालले भने,ʻहालै ट्रम्पको दबाबमा मोदीजीले कपासमा लागेको ११ प्रतिशत शुल्क हटाएका छन्। अब अमेरिकाबाट आउने कपासमा कुनै शुल्क लगाइने छैन।ʼ
उनले अमेरिकाबाट आउने कपास भारतीय किसानको कपास भन्दा सस्तो हुने बताए।
