। आगामी सिजनको युरोपियन च्याम्पियन्स लिग फुटबलका लागि बिहीबार राति ड्र सम्पन्न भएको छ ।
गत सिजनदेखि नयाँ ढाँचामा हुन थालेको ३६ टोली सहभागी हुने प्रतियोगितामा पहिलोपटक ६ वटा प्रिमियर लिग क्लबले खेल्नेछन् । तर, लिग चरणमा उनीहरूले आपसमा खेल्ने छैनन् ।
ड्र अनुसार १५ पटकको विजेता स्पेनी महारथी क्लब रियल मड्रिडसँग इंग्लिस च्याम्पियन लिभरपुल र म्यानचेस्टर सिटी दुवै क्लबले खेल्ने भएका छन् ।
लिभरपुलले एट्लेटिको मड्रिड र इन्टर मिलानसँग पनि खेल्नेछ भने सिटीले नापोली र बोरुसिया डर्टमुन्डलाई भेट्नेछ ।
नापोलीको म्यान्चेस्टर भ्रमण विशेष हुने अपेक्षा गरिएको छ, जहाँ केभिन डे ब्रुइनाले आफ्नै पूर्व क्लब सिटीविरुद्ध खेल्नेछन् । डे ब्रुइना यसै सिजन सिटीबाट नापोली गएका थिए ।
चेल्सीले बार्सिलोना र बायर्न म्युनिखसँग खेल्नेछ भने आर्सनलले पनि बायर्न र इन्टर मिलानलाई भेट्नेछ ।
इंग्लिस क्लब न्युक्यासलसँग खेल्न बार्सिलोना सेंट जेम्स पार्क पुग्नेछ । युरोपा लिग जितेर च्याम्पियन्स लिगमा पुगेको टोटनहमले डर्टमुन्ड र मोनाकोसँग खेल्नेछ ।
लिग चरणका खेलहरू सेप्टेम्बर १६ बाट सुरु हुने छन् भने सन् २०२६ को जनवरी २८ मा लिग चरण सकिएर नकआउट चरण सुरु हुनेछ ।
सहभागी ३६ टिमहरूले आ-आफ्नो तालिका अनुसार ८/८ खेल खेलेपछि अंकतालिकामा शीर्ष ८ मा पर्ने टोली सोझै अन्तिम १६ मा प्रवेश गर्नेछन् ।
त्यस्तै नवौं देखि २४औं स्थानसम्म हुने १६ टिमबीच प्लेअफ खेलहरू हुनेछन् जहाँबाट ८ टोलीले अन्तिम १६ मा स्थान बनाउनेछन् । २५औं देखि ३६औं स्थानका टोलीहरू बाहिरिने छन् ।
यसपटकको फाइनल खेल हंगेरीको बुडापेस्टमा हुनेछ ।
कसले कोसँग खेल्दैछन् ?
साविक विजेता पीएसजीले बायर्न म्युनिख, बार्सिलोना, एट्लान्टा, लेभरकुसेन, टोटनहाम, स्पोर्टिङ सीपी, न्युकासल र एथ्लेटिको बिल्बाओसँग प्रतिस्पर्धा गर्ने छ ।
स्पेनिस च्याम्पियन बार्सिलोनाले पीएसजी, चेल्सी, फ्रान्कफर्ट, क्लब ब्रुग, ओलम्पियाकस, स्लाभिया प्राहा, कोपनहेगन र न्युकासलसँग प्रतिस्पर्धा गर्नेछ।
इङ्लिस च्याम्पियन लिभरपुलले रियल मड्रिड, इन्टर मिलान, एट्लेटिको मड्रिड, फ्रान्कफर्ट, पीएसभी, मार्सेल, काराबाग र गालातासारेसँग प्रतिस्पर्धा गर्नेछ ।
स्पेनिस क्लब रियल मड्रिडले म्यान्चेस्टर सिटी, लिभरपुल, युभेन्ट्स, बेनफिका, मार्सेल, ओलम्पियाकस, मोनाको र कइरात अलमातीसँग प्रतिस्पर्धा गर्नेछ ।
म्यान्चेस्टर सिटीले बोरुसिया डर्टमुन्ड, रियल मड्रिड, बायर लेभरकुसन, भिल्लारियल, नापोली, बोडो/ग्लम्ट, गालातासारे र मोनाकोसँग प्रतिस्पर्धा गर्नेछ ।
जर्मन क्लब बायर्न म्युनिखले चेल्सी, पीएसजी, क्लब ब्रुग, आर्सनल, स्पोर्टिङ सीपी, पीएसभी, युनियन एसजी र पाफोससँग प्रतिस्पर्धा गर्ने छ ।
इटालियन क्लब इन्टर मिलानले लिभरपुल, बोरुसिया डर्टमुन्ड, आर्सनल, एट्लेटिको मड्रिड, स्लाभिया प्राहा, अयाक्स, कइरात अल्माती र युनियन एसजीसँग प्रतिस्पर्धा गर्नेछ ।
इंग्लिस क्लब चेल्सीले बार्सिलोना, बायर्न म्युनिख, बेनफिका, एट्लान्टा, अयाक्स, नापोली, पाफोस र काराबागसँग प्रतिस्पर्धा गर्नेछ ।
जर्मन क्लब बोरुसिया डर्टमुन्डले इन्टर मिलान, म्यान्चेस्टर सिटी, भिल्लारियल, युभेन्ट्स, बोडो/ग्लिम्ट, टोटनहाम, एथ्लेटिक क्लब र कोपनहेगनसँग प्रतिस्पर्धा गर्नेछ ।
इंग्लिस क्लब आर्सनलले बायर्न म्युनिख, इन्टर मिलान, एट्लेटिको मड्रिड, स्लाभिया प्राहा, कइरात अल्माती, र एथ्लेटिक क्लबसँग प्रतिस्पर्धा गर्नेछ ।
स्पेनिस क्लब एट्लेटिको मड्रिडले इन्टर मिलान, लिभरपुल, फ्रान्कफर्ट, आर्सनल, बोडो ग्लिम्ट, पीएसजी, युनियन एसजी र गालातासारेसँग प्रतिस्पर्धा गर्नेछ ।
इटालियन क्लब युभेन्ट्सले बोरुसिया डर्टमुन्ड, रियल मड्रिड, बेनफिका, भिल्लारियल, स्पोर्टिङ सीपी, बोडो ग्लिम्ट, पाफोस र मोनाकोसँग प्रतिस्पर्धा गर्नेछ।
इंग्लिस क्लब टोटनहामले बोरुसिया डर्टमुन्ड, पीएसजी, भिल्लारियल, फ्रान्कफर्ट, स्लाभिया प्राहा, बोडो ग्लिम्ट कोपनहेगन र मोनाकोसँग प्रतिस्पर्धा गर्नेछ ।
इटालियन च्याम्पियन नापोलीले चेल्सी, म्यान्चेस्टर सिटी, फ्रान्कफर्ट, बेनफिका, स्पोर्टिङ सीपी, काराबाग र कोपनहेगनसँग प्रतिस्पर्धा गर्नेछ।
पोर्चुगिज क्लब स्पोर्टिङ सीपीले पीएसजी, बायर्न म्युनिख, क्लब ब्रुग, मार्सेल, नापोली, कइरात अल्माती र एथ्लेटिक क्लबसँग प्रतिस्पर्धा गर्नेछ ।
इंग्लिस क्लब न्युकासलले बार्सिलोना, पीएसजी, बेनफिका, बायर लेभरकुसन, पीएसभी, मार्सेल, एथ्लेटिक क्लब र युनियन एसजीसँग प्रतिस्पर्धा गर्नेछ ।
