: अमेरिकी पुनरावेदन अदालतले राष्ट्रपति डोनाल्ड ट्रम्पले लगाएका अधिकांश कर गैरकानुनी भएको फैसला गरेको छ। अदालतको यो निर्णयप्रति राष्ट्रपति ट्रम्पले पनि प्रतिक्रिया दिएका छन्।
ʻसबै शुल्क अझै पनि कायम छन्। आज एक अत्यधिक पक्षपाती पुनरावेदन अदालतले हाम्रो शुल्क हटाउनु पर्छ भनेर गलत भन्यो। तर तिनीहरूलाई थाहा छ कि अन्ततः अमेरिकाले जित्नेछ,ʼ उनले लेखे ।
यो निर्णयले कानुनी द्वन्द्व सिर्जना गर्नुका साथै ट्रम्पको विदेश नीति योजनालाई असर गर्न सक्छ। यो निर्णयले ट्रम्पको ʻपारस्परिक शुल्कʼलाई असर गर्ने जनाइएको छ।
पारस्परिक शुल्क लगाइएका देशमा चीन, मेक्सिको र क्यानडालगायत छन्।
७–४ को फैसलामा अमेरिकी संघीय सर्किट पुनरावेदन अदालतले ट्रम्प प्रशासनको तर्कलाई अस्वीकार गरेको थियो। करहरू आपत्कालीन आर्थिक शक्ति ऐन अन्तर्गत लगाइएको थियो।
अदालतले ट्रम्पको यो कदमलाई कानुन विरुद्ध र अमान्य घोषित गरेको छ।
यो निर्णय अक्टोबर १४ सम्म लागू हुने छैन।
