: आजदेखि सुरु भएको एएफसी यू -२३ एसियन कप छनोटको पहिलो खेलमा नेपालले आज घरेलु टिम ताजाकिस्तानसँग खेल्दैछ। ताजकिस्तानको दुसान्बेस्थित पामीर स्टेडियममा हुने नेपाल र ताजकिस्तान बीचको खेल नेपाली समयअनुसार साँझ ८:१५ बजे सुरु हुनेछ।
समूह के मा रहेको नेपालले ताजिकिस्तान फिलिपिन्स र सिरियासँग खेल्नेछ। टोलीका प्रमुख प्रशिक्षक नवीन न्यौपानेले पहिलो खेलबाट ३ अंक जोड्दै एसियन कप छनोटमा हितका लागि खेल्ने बताएका थिए।
प्रि म्याच प्रेस कन्फ्रेन्समा न्यौपानेले नेपाल खेल्नको लागि मात्रै नभएर जित्नको लागि आएको बताएका थिए। ' हामी यहाँ खेल्नको लागि मात्र होइन जित्नको लागि आएका हौँ।' एसटीएमको कप्तानी राष्ट्रिय टिमका सबै सदस्य रहिसकेका आयुष घलानले गर्नेछन्।
नेपालको टिम :
गोलकिपर : क्रिसल मोक्तान, अमित टमाटा, विशाल केसी
डिफेन्डर : विवेक गुरुङ, विशाल नेपाली, लहान सुब्बा, निग्मा लामा, राम थापा, शंकर थारु, सीमान्त थापा
मिडफिल्डर: आयुष घलान(कप्तान), अभिषेक स्यान्तान,एरोन थापा, निरज कार्की, दिपेश गुरुङ, कृतिस रत्न छुन्जु, पुजन थापा, संजीव लामा, सन्तोष खत्री, सुजन मगर, सुमित श्रेष्ठ
फर्वाड: निराजन धामी, रोहन खड्की
प्रशिक्षक: नवीन न्यौपाने
