। अभिनेता राजेश हमालले वर्तमान राजनीतिक सन्दर्भमा टिप्पणी गर्दै नेपाली भएकोमा आफूले लाज महसुस गरिरहेको बताएका छन् ।
फेसबुक पोस्टमार्फत उनले युवालाई आशालाग्दो भविष्य दिन नेतृत्व असफल भएको बताएका छन् ।
हमाल लेख्छन्, ‘ हामी एक राष्ट्रको रूपमा हाम्रो युवालाई आशालाग्दो भविष्य मात्र दिन असफल भएका छैनौ, उनीहरुको वर्तमान समेत खोसिरहेका छौं । म विदेश यात्रा गर्दैछु । नेपाली भएकोमा यति लाज महसुस मैले कहिल्यै गरेको थिइनँ ।’
राजनीतिक र सामाजिक मुद्दामा कमै टिप्पणी गर्ने हमालले सोमबार फेसबुकमार्फत यस्तो बताएका हुन् । जेनजीले गरेको प्रदर्शनले हिंसात्मक रुप लिएपछि हमालको यस्तो टिप्पणी आएको हो ।
