: बिना बिलका सामानहरू खरिदबिक्री नगर्न प्रहरीले अनुरोध गरेको छ। बुधबार जिल्ला प्रहरी परिसर काठमाडौंका एसपी अपिलराज बोहराले एक विज्ञप्ति जारी गर्दै बिल बिनाका सामान किनबेच नगर्न अनुरोध गरेका हुन्।
भदौ २३ र २४ गते जेनजी आन्दोलनका क्रममा काठमाडौं उपत्यकालगायत देशका विभिन्न ठाउँमा सरकारी कार्यालय,बैंक वित्तीय संस्थाहरू,व्यापारिक प्रतिष्ठानलगायत व्यक्तिगत घरमा आगजनी तोडफोड गरी लुटपाट भएका छन्।
आन्दोलनका क्रममा सुन,चाँदी,हिरालगायत बहुमूल्य सरसामान समेत लुटिएका र त्यस्ता सामान बिक्री गर्न आउनसक्ने भन्दै बिना बिलका सामान नकिन्न प्रहरीले अनुरोध गरेको हो।
लुटिएका सामानहरू खरिद गरेको पाइएमा त्यस्ता व्यक्तिमाथि कडा कारवाही हुने प्रहरीले चेतावनी समेत दिएको छ। लुटिएका सामान बिक्री गर्न आएमा प्रहरीलाई तुरून्त खबर गर्न आग्रह गरेको छ।
