: संयुक्त राज्य अमेरिकाले संयुक्त राष्ट्र सुरक्षा परिषद्मा फेरि एक पटक भिटो प्रयोग गरेको छ।
संयुक्त राष्ट्र सुरक्षा परिषद्को बैठकमा गाजामा तत्काल तथा स्थायी युद्धविराम र बन्धकहरूलाई रिहा गर्न माग गरिएको थियो। यस मागमा अमेरिकाले भिटो प्रयोग गरेको हो। अमेरिकाले यो प्रस्तावमा भिटो गरेको यो छैटौँ पटक हो।
सुरक्षा परिषद्का अन्य १४ सदस्य राष्ट्रहरूले यस मस्यौदाको पक्षमा मतदान गरेका थिए।
यसले गाजाको अवस्थालाई विपत्तिजनक भनेर वर्णन गरेको छ। यसले इजरायललाई सबै राहत प्रतिबन्ध हटाउन आह्वान गरेको छ।
इजरायलले आफ्नो सैन्य अभियान तीव्र पारेकाले गाजा सहरको अन्तिम जीवन रेखा पनि भाँचिन लागेको संयुक्त राष्ट्रसंघले चेतावनी दिइरहेको बेला अमेरिकाले यो कदम चालेको हो।
हमासद्वारा सञ्चालित स्वास्थ्य मन्त्रालयका अनुसार गाजामा इजरायली सैन्य कारबाहीमा हालसम्म ६५,१४१ जनाको मृत्यु भइसकेको छ।
