: फ्रेन्च फरर्वाड तथा पेरिस सेन्ट जर्मन (पीएसजी) का फरवार्ड ओस्मान डेम्बेलेले २०२५ को बालोन डी'ओर अवार्ड जितेका छन्। २८ वर्षीय डेम्बेलेले युइएफए च्याम्पियन्स लिग र डोमेस्टिक डबल्समा ३७ गोल र १५ वटा असिस्ट गरेका छन्।
यो अवार्ड पाएपछि उनले भने,'यो व्यक्तिगत अवार्ड हो तर यो अवार्ड टिमको सामूहिक एकताका कारण सम्भव भएको हो। च्याम्पियन्स लिग जितेपछि फरक पर्यो।'
महिलातर्फ स्पेनकी एइताना बोनमतीले जितेकी हुन्। उनले लगातार तेस्रो पटक बालोन डि'ओरको अवार्ड जितेकी हुन्। बार्सिलोना क्लबकी फरवार्ड वनमतीले यसअघि पनि दुईपटक यो जितिसकेकी छन्।
सोमबार राति भएको समारोह बीच पीएसजी फरवार्ड डेम्बेलेले वर्ष उत्कृष्ट खेलाडीको अवार्ड जितेका हुन्। उत्कृष्ट युवातर्फ स्पेनिस क्लब बार्सिलोनाका युवा खेलाडी लामियन यमालले जितेका छन्। महिलातर्फको उत्कृष्ट युवा खेलाडी स्पेनकी भिकि लोपेजले जितिन्।
फ्रेन्च क्लब पीएस्सी वर्ष उत्कृष्ट पुरुषटोली घोषित भयो। च्याम्पियन्स लिग विजेता रहेको पीएससीले वर्ष उत्कृष्ट पुरुष टोलीको उपाधि जितेको हो। वर्ष उत्कृष्ट भएको पीएससीका प्रशिक्षकले वर्ष उत्कृष्ट प्रशिक्षकको उपाधि जिते। पीएसजीका प्रशिक्षक लुइस एनरिकेले टिमसँगै उत्कृष्ट प्रशिक्षकको उपाधि जितेका हुन्।
वर्ष उत्कृष्ट गोलकिपरमा पीएसजीका जीयानलुइजी डोनरुमा उत्कृष्ट गोल रक्षक घोषित भए ।
महिलातर्फको वर्ष उत्कृष्ट टोली अवार्ड आर्सनल क्लबले प्राप्त गर्यो। त्यस्तै उत्कृष्ट स्ट्राइकतको अवार्ड स्विडेनका भिक्टोर ग्योकेरसले जिते । महिलातर्फ उत्कृष्ट स्ट्राइकरको अवार्ड पोल्यान्डकी इवा पाजोरले जितिन्।
बालोन डी'ओर को ६९औं संस्करणमा फुटबलको व्यक्तिगत उत्कृष्ट व्यक्तित्वहरूलाई सम्मान गरिएको हो।
सन् १९५६ बाट फ्रेन्च फुटबलले सुरु गरेको यो अवार्ड विश्व फुटबलमा एक ऐतिहासिक अवार्डको रूपमा स्थापित अवार्ड हो।
