: गाजामा इजरायली हवाई आक्रमणबाट कम्तिमा ८० जनाको मृत्यु भएको छ। स्थानीय अस्पतालहरूले इजरायली गोलीबारीबाट ८० भन्दा बढी प्यालेस्टिनीहरूको मृत्यु भएको पुष्टि गरेका छन्।
गाजा सहरको दराज क्षेत्रको फिरास बजार नजिकै घरबारविहीन परिवारका लागि बनाइएको भवन र पालहरूमा रातभर भएको आक्रमणमा महिला र बालबालिकासहित ठूलो संख्यामा मृत्यु भएको आपतकालीन कामदारहरूले बताएका छन्।
इजरायली सेनाले दुई हमास लडाकुलाई निशाना बनाएको बताएको छ।
स्थलगत कारबाहीको उद्देश्य हमासद्वारा अझै पनि बन्धक बनाइएकाहरूलाई मुक्त गर्नु र प्यालेस्टिनी सशस्त्र समूहको निर्णायक पराजय सुनिश्चित गर्नु रहेको सेनाले बताएको छ।
गाजामा सञ्चालित हमास स्वास्थ्य मन्त्रालयका अनुसार इजरायली आक्रमणबाट हालसम्म ६५ हजार बढी मानिस मारिएका छन्।
