: जिल्ला प्रशासन कार्यालय स्याङ्जाले जेनजी आन्दोलनका बेला लुटिएका हातहतियार फिर्ता गर्न फरार कैदीबन्दीलाई सम्पर्कमा आउन आग्रह गरेको छ।
भदौ २३ र २४ गतेको प्रदर्शन क्रममा सुरक्षा निकायबाट खोसिएका हातहतियार र अन्य बन्दोबस्ती सामाग्री र विभिन्न जिल्ला कारागारबाट भागेका कैदीबन्दी तथा थुनुवालाई लक्षित गर्दै प्रशासनले सूचना मार्फत सो आग्रह गरेको हो।
लुकिछिपी कैदीबन्दीका साथै लुटिएका हातहतियारबाट आपराधिक घटना हुन सक्ने सम्भावना जनाउँदै तत्काल सम्पर्क आउन प्रशासन कार्यालयका प्रशासकीय अधिकृत सूर्यप्रसाद शर्माद्वारा जारी सूचनामा उल्लेख गरिएको छ।
प्रहरीको निःशुल्क सेवा १०० नम्बरमा फोन गरी सम्पर्कमा आउन समेत प्रशासनले जनाएको छ।
