— केयलिन एमबापेको ह्याट्रिकको मदतले युरोपेली च्याम्पियन्स लिगमा रियल म्याड्रिडले बुधबार काजाकिस्तानको आइराट आल्माटीलाई ५–० ले पराजित गरेको छ । यससँगै च्याम्पियन्स लिगमा एमबापेले गरेको गोल व्यक्तिगत गोल संख्या ६० पुगेको छ ।
सजिलो जित निकाल्ने क्रममा अन्य खेलमा एटलटिको म्याड्रिडले इन्ट्राख्ट फ्रायन्कफर्टलाई ५–१, मार्सेले आयाक्सलाई ४–०, इन्टर मिलानले स्पार्टाक प्रागलाई ३–० र बायर्न म्युनिकले पाफोसलाई ५–१ ले हरायो । आफ्नो उत्कृष्ट लयमा रहेका ह्यारी केनले बायर्नका लागि दुई गोल गरे ।
बायर्न आएयता उनले जर्मन क्लबका लागि १ सय ५ गोलमा १ सय २ गोल गरिसकेका छन् । यस्तै एटलेटिकोको हात पारेको जितमा एक गोल एन्टोन ग्रिजमनको नाममा रह्यो । यससँगै उनले एटलेटिकोका लागि गरेको व्यक्तिगत गोल संख्या दुई समय पुगेको छ ।
इंग्लिस च्याम्पियन लिरभपुल भने गालाटासारेको हातबाट १–० ले पराजित रह्यो । चेल्सीले भने बेटफिकालाई १–० ले हरायो । बोडो/गिल्म्नटले भने टोटनहमसँग २–२ को बराबरी खेल्यो । यस्तै एटलान्टाले क्लब ब्रुगमाथि २–१ को जित दर्ता गर्यो ।
