— डिफेन्डिङ च्याम्पियन पेरिस सेन्ट जर्मेन (पीएसजी) ले युरोपेली च्याम्पियन्स लिगमा बुधबार राति बार्सिलोनामाथि २–१ को पुनर्आगमन जित रचेको छ ।
बार्सिलोनाले फेरान टोरेसको गोलले अग्रता लिएयता सेनी मायुलुले पीएसजीका लागि बराबरी गोल फर्काए।
खेलको ९० औं मिनेटम गोन्सालो रामोसले निर्णायक गोल गरे । अन्य खेलमा नेपोलीले पनि स्पोर्टिङ लिस्वनलाई २–१ ले हराएको छ र त्यसमा रसमस होजल्यान्डले दुई गोल गरे । इंग्लिस प्रिमियर लिग न्युकासल युनाइटेड र आर्सनल पनि विजयी रहे ।
एन्थोनी गोर्डनले पेनाल्टीबाट दुई गोल गरेपछि न्युकासलले युनियन सेन्ट गिलोसलाई ४–० ले हरायो भने आर्सनल ओलम्पियाकोसमाथि २–० ले विजयी रह्यो । म्यानचेस्टर सिटी र मोनाकाले २–२ को बराबरी खेले । इर्लिङ हालान्डले दुई गोल गरेपछि त्यो जितका लागि पर्याप्त रहेन् ।
भिल्लारियल र युभेन्ट्सबीचको खेल पनि २–२ को बराबरीमै टुंगियो । बायर लेभरकुजन र पीएसभी आयनहोभनले पनि १–१ को बराबरी खेले ।
बोरुसिया डर्टमुन्ड भने एथलेटिको बिलबाओमाथि ४–१ को प्रभावशाली जित निकाल्न सफल रहयो । यस्तै कोरबागले एफसी कोपनहेगनमाथि २–० को जित हात पार्यो ।
