: स्वीडेनको करोलिन्सका इन्स्टिच्युटले सोमबार चिकित्सा र शारीरिकी विज्ञानमा नोबेल पुरस्कारको घोषणा गरेको छ। यो पुरस्कार मानव शरीरको प्रतिरक्षा प्रणालीको कार्यसम्पादनमा गरिएको महत्त्वपूर्ण अनुसन्धानका लागि म्यारी ई. ब्रन्को, फ्रेड राम्सडेल र शिमोन सकागुचीलाई प्रदान गर्ने घोषणा गरिएको हो।
यो पुरस्कार 'प्रेरिफेरल इम्यून टोलरेन्स'सम्बन्धी उनीहरूको क्रान्तिकारी अनुसन्धानका लागि दिइने भएको हो, जसले शरीरलाई हानि नगर्ने गरी प्रतिरक्षा प्रणालीलाई नियन्त्रणमा राख्नका लागि सहयोग पुर्याउँछ।
करोलिन्सका इन्स्टिच्युटका रुमेटोलोजी प्रोफेसर म्यारी वारहेन-हर्लेनियसले आफूहरूको अनुसन्धान प्रतिरक्षा प्रणालीलाई नियन्त्रणमा राख्ने बारेमा भएको बताए। यसले सबै प्रकारका सुक्ष्मजीवसँग लड्न सक्ने र यथासम्भाव स्व-प्रतिरक्षा रोगबाट जोगिन रहेको उनको भनाइ छ।
नोबेल पुरस्कार दिने संस्थाले भन्यो, 'उनीहरूको अनुसन्धानले नयाँ अनुसन्धान क्षेत्रको आधार सिर्जना गरेको छ र क्यान्सर र स्व-प्रतिरक्षा रोगहरूको उपचारको विकासमा प्रेरणा दिएको छ।'
