: संरक्षित वन्यजन्तु सालकको आखेटोपहारसहित दुईजना पक्राउ परेका छन्।
तारकेश्वर नगरपालिका-८ शिव मन्दिर चोकबाट २ किलोग्राम तौलको संरक्षित वन्यजन्तु सालकको आखेटोपहार २ थानसहित २ जनालाई बिहीबार प्रहरीले पक्राउ गरेको हो।
पक्राउ पर्नेहरूमा नुवाकोटको ककनी गाउँपालिका-३ बस्ने २१ वर्षीय लिजोङ तामाङ र बेलकोटगढी नगरपालिका-१ बस्ने ३९ वर्षीय श्याम ढुंगाना रहेका छन्। केन्द्रीय अनुसन्धान ब्यूरोबाट खटिएको प्रहरीले उनीहरूलाई उक्त आखेटोपहारसहित पक्राउ गरेको हो।
उनीहरूलाई आवश्यक अनुसन्धान तथा कारबाहीका लागि डिभिजन वन कार्यालय हात्तीसार काठमाडौं पठाइएको छ।
