: इजरायलले ‘गाजा युद्धविराम र बन्धक रिहाइ’ सम्बन्धी योजनालाई स्वीकृत गरेको छ।
प्रधानमन्त्री बेन्जमिन नेतन्याहूको कार्यालयले एक वक्तव्यमार्फत् गाजा युद्धविराम र बन्धक रिहाइ’ सम्बन्धी योजना स्वीकृत गरेको जनाएको हो।
नेतन्याहूले यसलाई महत्त्वपूर्ण घटनाक्रम भनेका छन्। उनले अमेरिकी राष्ट्रपति डोनल्ड ट्रम्पका साथै अमेरिकी दूत स्टीभ विटकफ र ट्रम्पका ज्वाइँ ज्यारेड कुश्नरलाई धन्यवाद दिएका छन्। विटकफ र कुश्नर इजरायली मन्त्रिपरिषद्को बैठकमा सामेल भएका थिए।
ट्रम्पले इजरायली बन्धकहरू सोमबार वा मंगलबार रिहा हुन सक्ने बताएका बीबीसीले उल्लेख गरेको छ। हमासको नियन्त्रणमा रहेका ४८ बन्धकमध्ये २० जना जीवितै रहेको ठानिएको छ।
