। नेपाली क्रिकेट टोलीले अन्तर्राष्ट्रिय क्रिकेटमा १००औं जित पूरा गरेको छ । आइतबार भएको यूएईसँगको खेलमा १ रनको रोमाञ्चक जित निकालेपछि नेपालको जित संख्या १०० पुगेको हो ।
यो टी-२०आई र ओडिआई दुवै फर्म्याटको आँकडा हो । नेपालले हालसम्म १०९ टी-२०आई खेलमा ६२ जित निकालेको छ भने ७७ ओडिआई खेलमा ३८ जित निकालेको छ ।
दुवै फर्म्याटमा गरेर नेपालले १८६ खेलमा १०० जित निकालेको छ । यस क्रममा नेपालले ७७ हार बेहोर्दा ४ बराबरी र ५ नतिजाविहीन छन् ।
नेपालको १००औं जित रोचक पनि रह्यो । दीपेन्द्रसिंह ऐरी चम्किएपछि नेपालले गुमाउन लागिसकेको खेलमा शानदार पुनरागमन गरेको थियो ।
