: वीरगन्जबाट प्रहरीले ठूलो परिमाणमा नेपालमा प्रतिबन्धित लागूऔषधसहित दुईजना युवकलाई पक्राउ गरेको छ। पक्राउ पर्नेमा पर्साको पकहाँ मैनपुर गाँउपालिका-५ का १९ वर्षीय पुष्पेन्द्र पाण्डे र भारतको बिहार राज्यको रक्सौलका १९ वर्षीय सचिन कुमार सिंह रहेका छन्।
आइतबार राति वीरगन्जबाट काठमाडौं जाँदै गरेको सार्वजनिक रात्रिबसलाई प्रहरीले वीरगन्ज-१४ गण्डक चोकमा रोकेर चेकजाँच गरेको थियो। त्यस क्रममा उक्त बसमा सवार पाण्डे र सिंहको साथमा रहेको कालो रंगको ब्यागबाट लागूऔषध ट्रामाडोल क्याप्सुल २३ हजार ८८० पिस बरामद भएको प्रहरी नायब उपरीक्षक हरि बहादुर बस्नेतले जानकारी दिए।
लागूऔषधसहित पक्राउ परेका दुबै जनालाई वडा प्रहरी कार्यालय श्रीपुरको हिरासतमा राखेर थप अनुसन्धान भइरहेको उनले बताए ।
