: अर्जेन्टिना फुटबल टोली र स्टार खेलाडी लियोनेल मेस्सीले अर्को महिना भारतको केरला भ्रमण नगर्ने भएका छन्। लियोनेल मेस्सीको अर्जेन्टिना टोलीले अब अर्को महिना भारतमा खेल्ने छैन।
यो खेल नोभेम्बर १७ मा कोच्चिको जवाहरलाल नेहरू रंगशालामा हुने तालिका थियो। तर फिफाको अर्को अन्तर्राष्ट्रिय खेल विन्डोमा आयोजना हुने भएपछि उनी भारत नआउने जनाएको छ।
खेलको प्रायोजक रिपोर्टर ब्रोडकास्टिङ कम्पनीका प्रबन्ध निर्देशक एन्टो अगस्टिनले सामाजिक सञ्जालमा पोस्ट गर्दै खेलका लागि फिफाको अनुमति प्राप्त गर्न ढिलाइ भएको जानकारी दिए। यसले गर्दा अर्जेन्टिना फुटबल संघ (एएफए) सँगको बैठकपछि यो निर्णय गरिएको हो।
अर्जेन्टिनाको खेलको घोषणा केरलाका खेलकुद मन्त्रीले गरेका थिए। तर मन्त्री आफैँले एक पटक खेल रद्द भएको बताएका थिए। एएफएले अगस्टमा टोलीले कोच्चिमा खेल्ने पुष्टि गरेको छ। अब भारतमा हुने भनिएको खेल रद्द गरिएको छ।
