मुख्य समाचार
आर्टिफिसियल इन्टेलिजेन्स कम्पनी ओपन एआईले च्याट जीपीटी एटलास नामक वेब ब्राउजर लञ्च
आर्टिफिसियल इन्टेलिजेन्स कम्पनी ओपन एआईले च्याट जीपीटी एटलास नामक वेब ब्राउजर लञ्च

आर्टिफिसियल इन्टेलिजेन्स कम्पनी ओपन एआईले च्याट जीपीटी एटलास नामक वेब ब्राउजर लञ्च गरेको छ । एआई क्षमतायुक्त यो ब्राउजरले बजारमा प्रवेश गर्ने वित्तिकैबाट गुगलका लागि ठूलो चुनौती खडा गर्न सुरु गरिदिएको छ ।

च्याट जीपीटीको वेब ब्राउजर लञ्च भएको भोलिपल्टै इन्टरनेट जाएन्ट गुगलको मातृ कम्पनी अल्फाबेटको शेयर मूल्यमा भारी गिरावट देखियो । सोही कारणले कम्पनीको बजार पुँजीकरण १ खर्ब ५० अर्ब डलरले घट्न पुग्यो ।

ओपन एआईले एक क्रिप्टिक भिडियो पोस्टममार्फत् च्याट जीपीटी एटलास ब्राउजर सार्वजनिक गरेको थियो । ६ सेकेण्डको उक्त भिडियोमा ब्राउजरको झलक देखाइएको थियो ।

पछि एक लाइभ स्ट्रिमिंगको माध्यमबाट कम्पनीका सीईओ साम अल्टम्यानले सो ब्राउजर लञ्च गरेका थिए । उक्त अवसरमा अल्टम्यानले ब्राउजरले के सम्म पनि गर्न सक्छ भन्ने कुराको पुनर्विचार गर्ने मौका प्राप्त भएको र त्यो निकै दुर्लभ पल भएको बताए ।

ओपन एआईले उक्त एआई ब्राउजरको लञ्चिंगको असर तुरुन्तै बजारमा देखियो । गत मंगलबार च्याट जीपीटी ब्राउजर लञ्च भएको एक घण्टामै गुगलको मातृ कम्पनी अल्फाबेटको शेयर मूल्यमा ४.८ प्रतिशतको गिरावट देखियो । यद्यपि बजार बन्द हुुँदा शेयर मूल्यमा केही सुधार आयो । तथापि समग्रमा मंगलबार अल्फाबेटको शेयर मूल्इमा २.४ प्रतिशतले गिरावट आई प्रतिशेयर २५०.४६ डलरमा रोकियो ।

प्रतिशेयर मूल्यमा आएको गिरावटका कारण अल्फाबेट कम्पनीको बजार मूल्यमा पनि भारी गिरावट देखियो । उसो त अल्फाबेटको बजार पुँजीकरण ३.०५ ट्रिलियन डलरको रहेको छ । त्यसमा डेढ खर्ब डलर एक दिनमै नोक्सान भएको छ ।

ओपन एआईलले आफ्नो च्याट जीपीटी एटलास ब्राउजरलाई क्रान्तिकारी प्रडक्ट भनेको छ । अर्थात् यो केवल गुगल क्रोमजस्ता पारम्परिक वेब ब्राउजरको प्रतिस्पर्धी मात्र होइन ।

हालका लागि यो एआई ब्राउजर केवल म्याक अपरेटिंग सिस्टममा मात्र उपलब्ध छ । छिटै नै यसलाई मोबाइल तथा विन्डोजमा पनि जारी गर्ने तयारी कम्पनीको छ ।

एटलास वेब ब्राउजरमा च्याट जीपीटीलाई सिधै वेबपेजमा एकीकृत गरिएको छ । त्यसैले अब प्रयोगकर्ताले च्याट जीपीटीमा कुनैपनि चिज सर्च गर्दा ट्याब परिवर्तन गर्नुपर्दैन ।

यो ब्राउजरको अर्को विशेष फिचर भनेको एजेन्ट मोड हो । यसमा एआईले प्रयोगकर्ताका लागि काम गर्न सुरु गर्दछ ।

यो मोडमा एआईले प्रयोगकर्ताको किबोर्ड तथा कर्सरलाई नियन्त्रण गर्दै टिकट बुक गर्नेदेखि कुनै चिजका बारेमा इन्टरनेटमा सर्च गर्नेसम्मका विभिन्न टास्कहरु पूरा गर्न सक्दछ । यावत् कामहरु यो ब्राउजरमा एआईले नै गरिदिनेछ र प्रयोगकर्ताले केवल कमान्ड दिएमात्रै हुनेछ । एजेन्सी

प्रतिक्रिया दिनुहोस्
अन्य समाचारहरु
: माइक्रोसफ्टका सेवा २२ घण्टाभन्दा बढी समय अवरुद्ध भएपछि विश्वभरका अत्यावश्यक सेवा र संस्थाहरू प्रविधिमा कति निर्भर छन् भन्ने विषयमा बहस सुरु भएको छ । माइक्रोसफ्ट ३६५ अन्तर्गतका आउटलुकलगायतका सेवा प्रभावित हुँदा विश्वका विभिन्न देशका व्यवसाय, सरकारी निकाय तथा सार्वजनिक संस्थाहरूले समस्या भोग्नुपरेको थियो । माइक्रोसफ्टका अनुसार नियमित स्वचालित जाँचका क्रममा केही सर्भर बन्द हुँदा बाँकी सर्भरमा ...
। प्राविधिक समस्या सुरु भएको कैयौँ घण्टापछि पनि आउटलुक इमेल, टिम्स म्यासेजिङ एप र माइक्रोसफ्ट ३६५ का अन्य सेवाहरू ठप्प रहे। रोयटर्सका अनुसार, माइक्रोसफ्टले आफ्नो पछिल्लो अपडेटमा सेवाहरू सुधार गर्न र यस समस्यालाई समाधान गर्न गरिएका परिवर्तनहरूले अपेक्षाअनुसार काम गरिरहेका छैनन् भनी बताएको छ। कम्पनी समस्या समाधान गर्न अन्य विकल्पहरूको खोजी गरिरहेको छ। यसको उद्देश्य सकेसम्म धेरै ...
। माइक्रोसफ्टका विभिन्न सेवामा बिहीबार विश्वव्यापी रूपमा कनेक्टिभिटी समस्या देखिएको छ । कम्पनीका टिम्स, आउटलुक र एआई सफ्टवेयर कोपाइलट प्रयोगकर्ताहरूले सेवा सञ्चालनमा समस्या आएको भन्दै गुनासो गरेका छन् । समस्या देखिएपछि माइक्रोसफ्टले सेवा सामान्य अवस्थामा फर्काउन प्राविधिक टोली सक्रिय रहेको जनाएको छ । कम्पनीका अनुसार आफ्नो पूर्वाधारको एक भागमा अत्यधिक भार परेका कारण कनेक्टिभिटी समस्या उत्पन्न ...
। कर्णाली प्रदेशमा गुणस्तरीय बिजुली पुर्‍याउन थालिएको सुर्खेत–दैलेख १३२ केभी प्रसारण लाइन वन सम्बन्धी कानुनी झन्झटमा अल्झिएको छ । कोहलपुर–सुर्खेत–दैलेख आयोजनाअन्तर्गतको यो खण्ड २०८० मा सम्झौता भई २०८२ मै सकिनुपर्ने थियो। तर रुख कटान र जग्गा भोगाधिकारको गोलचक्करमा परेर ७० प्रतिशत भौतिक प्रगतिमै अल्झिएको छ। म्याद थप गर्दासमेत ३० प्रतिशत काम बाँकी छ। सुर्खेतको वीरेन्द्रनगरस्थित सुब्बाकुना सबस्टेसनबाट ...
। युवा, श्रम तथा रोजगार मन्त्रालयको अगुवाइमा राष्ट्रिय व्यावसायिक प्रशिक्षण प्रतिष्ठानले सञ्चालन गर्न लागेको नि:शुल्क एआई तालिममा ६८ हजारको आवेदन परेको छ । मन्त्रालयका अनुसार ‘मास्टरिङ एआई विथ इफेक्टिभ प्रोम्प इन्जिनियरिङ’ विषय तालिमका लागि ६८ हजार भन्दा बढीको आवेदन परेको हो । सुरुमा दुई हजार युवालाई लक्षित गरी योजना गरिएको उक्त तालिममा अपेक्षाभन्दा धेरै आवेदन प्राप्त भएको ...