: कास्की कारागारबाट फरार भएका एक युवालाई स्याङ्जा प्रहरीले पक्राउ गरेको छ। जेन–जी आन्दोलनका समय कास्की कारागार पोखराबाट भागेका विश्वास नेपाली ४५ दिनपछि स्याङ्जामा पक्राउ गरी स्याङ्जा कारागार शाखामा बुझाएको हो।
पुतलीबजार नगरपालिका –१ का २५ वर्षीय नेपाली गत भदौ २४ गते रातिदेखि पोखरा कारागारबाट फरार रहेका थिए। जबरजस्ती करणी मुद्दामा सजाय भोगिरहेका नेपालीलाई कात्तिक ७ गते भीरकोट नगरपालिका –१ दार्सिङबाट पक्राउ गरिएको प्रहरी निरीक्षक कमल नेपालीले जानकारी दिए। उनलाई जिल्ला कारागार स्याङ्जामा बुझाइएको पनि उनले बताए।
वडा कार्यालय वालिङ र प्रहरी चौकी दहथुमका प्रहरी टोलीले पक्राउ गरेको नेपालीको भनाई छ।
