: जेनजी आन्दोलनका क्रममा आगजनी र तोडफोडबाट क्षतिग्रस्त भएको सर्वोच्च अदालतले करिब डेढ महिनापछि आफ्नो वेबसाइट पूर्णरुपमा सञ्चालनमा ल्याएको छ। अदालतको सूचना प्रविधि महाशाखाले सोमबारदेखि वेबसाइटलाई पूर्णरुपमा सञ्चालनमा ल्याएको हो।
हेटौडामा रहेको 'ब्याकअप सेन्टर' बाट डाटा रिकभर गरेर वेबसाइट सञ्चालनमा ल्याइएको सूचना प्रविधि महाशाखाले जनाएको छ।
अदालतको वेबसाइट बन्द हुँदा मुद्दाको सुनुवाइ समेत प्रभावित भएको थियो। गत भदौ २४ गते भएको जेनजी आन्दोलनमा प्रदर्शनकारीले आगजनी गर्दा सर्वोच्चसहित देशभर २३ वटा अदालतमा क्षति पुगेको थियो।
