मुख्य समाचार
८३ बच्चाकी आमा बन्दै विश्वकै पहिलो एआई मन्त्री
८३ बच्चाकी आमा बन्दै विश्वकै पहिलो एआई मन्त्री

: अल्बानियाकी एआई मन्त्री डिएला गर्भवती छिन्। डिएला आर्टिफिसियल इन्टेलिजेन्समा आधारित विश्वकै पहिलो मन्त्री हुन्।

उनले ८३ बच्चा जन्माउन लागेकी छन्। उनी रोबोटबाट गर्भवती भएको अल्बानियाका प्रधानमन्त्री एडी रामाले घोषणा गरेका हुन्।


जर्मनीको बर्लिनमा आयोजित ग्लोबल डायलग सम्मेलनको क्रममा अल्बानियाकी प्रधानमन्त्री रामाले यो घोषणा गरेर सबैलाई चकित पारेका थिए। तर एआई मन्त्रीको गर्भावस्थाको फरक अर्थ छ।



डिएलाको अर्थ अल्बेनियाली भाषामा सूर्य हो। उनी विश्वको पहिलो एआई मन्त्री हुन्। उनलाई परम्परागत अल्बेनियाली पोशाकमा महिलाको रूपमा चित्रण गरिएको छ। उनलाई अल्बेनियाली प्रधानमन्त्रीले मन्त्रीमा नियुक्त गरेका हुन्।

प्रधानमन्त्री एडी रामाले भने, ʻआज हामीले डिएलासँग ठुलो जोखिम उठायौँ र हामीले धेरै राम्रो गर्‍यौँ। डिएला गर्भवती छिन् र उनले ८३ बच्चा जन्माउने छिन्।ʼ

प्रधानमन्त्री एडी रामाले ८३ बालबालिका भनिएका ८३ नयाँ एआई सहायक भएको बताए। सत्तारुढ समाजवादी पार्टीका प्रत्येक संसद् (एमपी)का लागि एआई सहायक बनाइएको हो। यी एआई (बालबालिका)ले संसदमा हुने सबै कुरा रेकर्ड गर्नेछन्। यस्तै एआई बालबालिकाले प्रतिनिधिहरूलाई उनीहरूले छुटाएका छलफल वा घटनाबारे जानकारी गराउनेछन्।

यी एआई बालबालिकाहरूले संसदीय सत्रमा पनि भाग लिनेछन्। सबै छलफल र कार्यक्रम रेकर्ड गर्नेछन् भने आफ्ना हाकिमलाई कुन मुद्दामा प्रतिआक्रमण गर्ने भनेर सल्लाह दिनेछन्।

यस्तै यी एआई बालबालिका २०२६ को अन्त्यसम्ममा पूर्ण रूपमा सञ्चालनमा आउनेछन् र डिएलाको ज्ञान (डेटा र एल्गोरिदम) हस्तान्तरण गरिनेछ।

डिएलालाई अल्बानियाको सार्वजनिक खरिद प्रणालीलाई पूर्णरूपमा पारदर्शी र भ्रष्टाचारमुक्त बनाउन सेप्टेम्बरमा मन्त्रीमा नियुक्त गरिएको थियो। उनी नागरिक र व्यवसायलाई सरकारी कागजात प्राप्त गर्न मद्दत गर्दै आएकी छन्। एआई निर्मित मन्त्रीलाई परम्परागत अल्बेनियाली पोशाकमा महिलाको रूपमा चित्रण गरिएको छ।

डिएलालाई सार्वजनिक टेन्डरसँग सम्बन्धित सबै निर्णय गर्ने जिम्मेवारी दिइएको छ। ती निर्णय १०० प्रतिशत भ्रष्टाचारमुक्त छन् भनी सुनिश्चित गरिन्छ। प्रधानमन्त्री रामाले टेन्डर प्रक्रियामा जम्मा गरिएको प्रत्येक सार्वजनिक कोष पूर्णरूपमा पारदर्शी हुने बताए। –एजेन्सीबाट

प्रतिक्रिया दिनुहोस्
अन्य समाचारहरु
: माइक्रोसफ्टका सेवा २२ घण्टाभन्दा बढी समय अवरुद्ध भएपछि विश्वभरका अत्यावश्यक सेवा र संस्थाहरू प्रविधिमा कति निर्भर छन् भन्ने विषयमा बहस सुरु भएको छ । माइक्रोसफ्ट ३६५ अन्तर्गतका आउटलुकलगायतका सेवा प्रभावित हुँदा विश्वका विभिन्न देशका व्यवसाय, सरकारी निकाय तथा सार्वजनिक संस्थाहरूले समस्या भोग्नुपरेको थियो । माइक्रोसफ्टका अनुसार नियमित स्वचालित जाँचका क्रममा केही सर्भर बन्द हुँदा बाँकी सर्भरमा ...
। प्राविधिक समस्या सुरु भएको कैयौँ घण्टापछि पनि आउटलुक इमेल, टिम्स म्यासेजिङ एप र माइक्रोसफ्ट ३६५ का अन्य सेवाहरू ठप्प रहे। रोयटर्सका अनुसार, माइक्रोसफ्टले आफ्नो पछिल्लो अपडेटमा सेवाहरू सुधार गर्न र यस समस्यालाई समाधान गर्न गरिएका परिवर्तनहरूले अपेक्षाअनुसार काम गरिरहेका छैनन् भनी बताएको छ। कम्पनी समस्या समाधान गर्न अन्य विकल्पहरूको खोजी गरिरहेको छ। यसको उद्देश्य सकेसम्म धेरै ...
। माइक्रोसफ्टका विभिन्न सेवामा बिहीबार विश्वव्यापी रूपमा कनेक्टिभिटी समस्या देखिएको छ । कम्पनीका टिम्स, आउटलुक र एआई सफ्टवेयर कोपाइलट प्रयोगकर्ताहरूले सेवा सञ्चालनमा समस्या आएको भन्दै गुनासो गरेका छन् । समस्या देखिएपछि माइक्रोसफ्टले सेवा सामान्य अवस्थामा फर्काउन प्राविधिक टोली सक्रिय रहेको जनाएको छ । कम्पनीका अनुसार आफ्नो पूर्वाधारको एक भागमा अत्यधिक भार परेका कारण कनेक्टिभिटी समस्या उत्पन्न ...
। कर्णाली प्रदेशमा गुणस्तरीय बिजुली पुर्‍याउन थालिएको सुर्खेत–दैलेख १३२ केभी प्रसारण लाइन वन सम्बन्धी कानुनी झन्झटमा अल्झिएको छ । कोहलपुर–सुर्खेत–दैलेख आयोजनाअन्तर्गतको यो खण्ड २०८० मा सम्झौता भई २०८२ मै सकिनुपर्ने थियो। तर रुख कटान र जग्गा भोगाधिकारको गोलचक्करमा परेर ७० प्रतिशत भौतिक प्रगतिमै अल्झिएको छ। म्याद थप गर्दासमेत ३० प्रतिशत काम बाँकी छ। सुर्खेतको वीरेन्द्रनगरस्थित सुब्बाकुना सबस्टेसनबाट ...
। युवा, श्रम तथा रोजगार मन्त्रालयको अगुवाइमा राष्ट्रिय व्यावसायिक प्रशिक्षण प्रतिष्ठानले सञ्चालन गर्न लागेको नि:शुल्क एआई तालिममा ६८ हजारको आवेदन परेको छ । मन्त्रालयका अनुसार ‘मास्टरिङ एआई विथ इफेक्टिभ प्रोम्प इन्जिनियरिङ’ विषय तालिमका लागि ६८ हजार भन्दा बढीको आवेदन परेको हो । सुरुमा दुई हजार युवालाई लक्षित गरी योजना गरिएको उक्त तालिममा अपेक्षाभन्दा धेरै आवेदन प्राप्त भएको ...