: अमेरिका र चीनबीच सम्भावित व्यापार सम्झौताको ढाँचामा सहमति भएको छ। यसबारे यसै हप्तामा दुई देशका नेताहरूबीचको बैठकमा छलफल हुने जनाइको छ। यस विषयमा अमेरिकी अर्थमन्त्री स्कट बेसेन्टले जानकारी दिएका छन्।
बीबीसीको अमेरिकी साझेदार सीबीएससँग कुरा गर्दै बेसेन्टले व्यापार सम्झौतामा टिकटकको अमेरिकी सञ्चालनमा 'अन्तिम सम्झौता' र दुर्लभ खनिजहरूमा चीनले लगाएको नयाँ नियन्त्रणहरू स्थगित गर्ने निर्णय समावेश छ।
उनले अमेरिकी राष्ट्रपति ट्रम्पले चिनियाँ सामानमा प्रस्ताव गरेको १०० प्रतिशत कर लागू हुने सम्भावना कम रहेको पनि बताए। उनका अनुसार चीनले अमेरिकाबाट ठूलो मात्रामा भटमास खरिद पुनः सुरु गर्नेछ।
दुबै देशहरू विश्वका दुई ठूला अर्थतन्त्रहरूबीच चलिरहेको व्यापार युद्धलाई थप चर्किनबाट रोक्न प्रयासरत छन्। राष्ट्रपति ट्रम्प एसियाको एक हप्ता लामो भ्रमणमा छन्। यस क्रममा उनले दक्षिण कोरियामा चिनियाँ राष्ट्रपति सी जिनपिङलाई भेट्नेछन्।
