: अमेरिकी राष्ट्रपति डोनाल्ड ट्रम्पले रुसी राष्ट्रपति भ्लाडिमिर पुटिनले आणविक शक्तिबाट चल्ने क्षेप्यास्त्र परीक्षण गर्नुको सट्टा युक्रेन युद्ध अन्त्य गर्नुपर्ने बताएका छन्।
उनले अमेरिकाले रुसी तट नजिकै आणविक पनडुब्बी तैनाथ गरेको पनि बताए।
पुटिनले आइतबार रुसले आणविक शक्तिबाट चल्ने बुरेभेस्टनिक क्रूज क्षेप्यास्त्रको सफलतापूर्वक परीक्षण गरेको बताएका थिए।
यो आणविक क्षमता भएको क्षेप्यास्त्र हो। रुसले यो कुनै पनि रक्षा ढाल छिर्न सक्ने र अब यसलाई तैनाथ गर्न कदम चालिने बताएको छ।
ट्रम्पले अमेरिकाले यति टाढा उडान गर्नु आवश्यक नभएको भन्दै रुसको तट नजिकै आणविक पनडुब्बी रहेको बताए।
उनले भने,ʻहामीसँग संसारकै उत्कृष्ट आणविक पनडुब्बी छ भन्ने रुसलाई थाहा छ। रुसको तटको ठिक छेउमा हाम्रो पनडुब्बी छ। हामीले १४,००० किलोमिटर (८,००० माइल) उडान गर्नु पर्दैन।ʼ
ट्रम्पले क्षेप्यास्त्र परीक्षण गर्नुको सट्टा रुसले युद्ध समाप्त गर्नुपर्ने बताए।
रुसले आइतबार आणविक शक्तिबाट चल्ने बुरेभेस्टनिक क्रूज क्षेप्यास्त्र परीक्षण गरेको छ।
यो कम उचाइमा उड्ने क्षेप्यास्त्र हो। यो पहिलो पटक २०१८ मा घोषणा गरिएको थियो। यसमा असीमित क्षमता छ भने क्षेप्यास्त्र रक्षा प्रणालीबाट बच्न सक्षम छ भनेर वर्णन गरिएको छ।
