: अमेरिकी राष्ट्रपति डोनाल्ड ट्रम्प दक्षिण कोरिया आइपुग्नु केही घण्टा अगाडि उत्तर कोरियाले अर्को क्षेप्यास्त्र परीक्षण गरेको छ।
एसिया प्रशान्त आर्थिक सहयोग बैठकमा भाग लिन ट्रम्प दक्षिण कोरिया जाँदैछन्।
उत्तर कोरियाले जमिनबाट हावामा प्रहार गर्ने क्षेप्यास्त्र परीक्षण गरेको दाबी गरेको छ।
बीबीसीका दक्षिण कोरिया संवाददाता जेक क्वोनका अनुसार यो परीक्षणलाई उत्तर कोरियाको आणविक हतियारलाई वैधानिक बनाउने सानो प्रतीकात्मक प्रयास मानिएको छ।
राज्य सञ्चालित सञ्चारमाध्यमका अनुसार क्षेप्यास्त्र ठाडो रूपमा माथितिर प्रहार गरिएका थिए र करिब ७,८०० सेकेन्डसम्म हावामा रहे।
दक्षिण कोरियाको भ्रमणको क्रममा ट्रम्पले उत्तर कोरियाली नेता किम जोङ उनसँग भेट्ने कुनै संकेत देखिएको छैन।
ट्रम्पले आज दक्षिण कोरियाली राष्ट्रपति ली जे–म्युङसँग भेट गर्नेछन्। दक्षिण कोरियाली राष्ट्रपतिलाई संयुक्त राज्य अमेरिकासँग व्यापार सम्झौता अन्तिम रूप दिन दबाब छ।
