: चिनियाँ राष्ट्रपति सी जिनपिङले गाजा युद्धविराम सम्झौतामा महान् योगदान दिएको भन्दै आफ्ना अमेरिकी समकक्षी डोनाल्ड ट्रम्पलाई धन्यवाद दिएका छन्। आज दक्षिण कोरियामा भएको दुई नेताबीचको भेटमा सीले गाजा युद्धविराम सम्झौताको निष्कर्षमा अमेरिकी राष्ट्रपतिको महान् योगदानको कदर गरेको बताएका हुन्।
ʻमलेसियाको भ्रमणको क्रममा तपाईंले कम्बोडिया र थाइल्याण्ड सीमामा शान्ति सम्बन्धी संयुक्त घोषणापत्रमा हस्ताक्षर भएको देख्नुभयो। यसमा तपाईंले योगदान दिनुभएको थियो,ʻसीले ट्रम्पलाई भने, ʻचीनले पनि हाम्रो आफ्नै तरिकाले सीमा विवाद व्यवस्थापन गर्न मद्दत गरिरहेको छ।ʼ
सीले अन्य मुद्दा समाधान गर्न शान्ति वार्तालाई पनि प्रवर्द्धन गरिरहेको बताए।
