: राष्ट्रपति रामचन्द्र पौडेल कतार भ्रमण जाने भएका छन्। उनले कार्तिक १८ देखी २० गतेसम्म कतारको भ्रमण गर्ने भएका हुन्।
कतारका राजा अमिर तामिम बिन हमाद अल थानीको निमन्त्रणामा भ्रमणमा जान लागेका राष्ट्रपति पौडेल सामाजिक विकासका लागि दोस्रा विश्व सम्मेलनमा सहभागी हुने परराष्ट्र सचिव अमृत राईले जानकारी दिए।
सचिव राईका अनुसार राष्ट्रपतिले उक्त मुख्य सत्रलाई सम्बोधन गर्ने कार्यक्रम छ। राष्ट्रपतिले संयुक्त राष्ट्रसंघका महासचिव एण्टेरियो गुटरेससँग भेटवार्ता गर्ने भनिएको छ। भ्रमणमामा साइडलाइन बैठकका विषयमा तय भइसकेको छैन ।
राष्ट्रपतिको भ्रमण टोलीमा १२ जना जाने भएका छन्। ६ जनाको खर्च कतार सरकारले बेहोर्ने र ६ जनाको नेपाल सरकारले बेहोर्ने सचिव राईले जानकारी दिए।
