। अखिल नेपाल फुटबल संघ (एन्फा) ले आगामी एएफसी यू–१७ एसियन कप छनोट प्रतियोगिताका लागि नेपाली यू–१७ राष्ट्रिय टिमको आधिकारिक टिम स्टाफ घोषणा गरेको छ।
घोषित सूचिअनुसार संजित सिंह टिमका मुख्य प्रशिक्षक नियुक्त भएका छन्। रामचन्द्र थापा मगर र देवकुमार मादेन सहायक प्रशिक्षक रहनेछन्।
टिमका अन्य पदाधिकारीमा भरतबहादुर बस्नेत टिम म्यानेजर, प्रविण खाँचे श्रेष्ठ गोलकिपिङ प्रशिक्षक, विनोद भट्टराई फिजियो र धर्मेन्द्र कुमार यादव टिम डाक्टर रहेका छन्।
एन्फाले आगामी छनोट प्रतियोगिताका लागि सम्पूर्ण टिमलाई शुभकामना दिएको छ।
