— नेपाल विद्युत् प्राधिकरणका पूर्व कार्यकारी निर्देशक हितेन्द्रदेव शाक्य सरकारको निर्णयविरुद्धलाई चुनौती दिदै सर्वोच्च अदालतमा रिट दायर गरेका छन् । उनको रिटमा मंगलबार पेसी तोकिएको छ । न्यायाधीश नृपध्वज निरौलाको इजलासमा पेसी तोकिएको हो ।
मन्त्रिपरिषद् बैठकले उनलाई नेपाल विद्युत् प्राधिकरणबाट हटाउँदै जल तथा ऊर्जा आयोगको सचिवालयमा विशेष पद सिर्जना गर्दै सरुवा गरेको थियो ।
शाक्यले आफ्नो पद प्राधिकरणमै कायम हुनुपर्ने माग गर्दै सर्वोच्च रिट दायर गरेका हु्न । आज पहिलो सुनुवाइ हुन लागेको हो । सर्वोच्चले अन्तरिम आदेश जारी गरेमा उनी पुन: प्राधिकरण फर्कनेछन् । शाक्यलाई सरुवा गरेर मनोज सिलवाललाई कार्यकारी निर्देशन बनाइएको थियो।
शाक्यले यसअघि पनि कुलमान घिसिङविरुद्ध रिट दायर गरेका थिए । घिसिङले पनि आफूलाई हटाएर शाक्यलाई केपी शर्मा ओली सरकारले नियुक्त गरेपछि रिट दायर गरेका थिए।
