— ‘नेपाल प्रिमियर लिग (एनपीएल)’ को सिजन २ मा 'ड्रिभन बाई' पार्टनरका रूपमा ओमोडा एन्ड जेइकोले सहकार्य गर्ने भएको छ । ओमोडा एन्ड जेइकोले एनपीएल सिजन २ को 'म्यान अफ द टुर्नामेन्ट' लाई आफ्नो ब्रान्डको एक प्रिमियम गाडी उपहार दिने घोषणा गरेको छ ।
यसअघि एनपीएलको सिजन १ मा पनि ओमोडा एन्ड जेइकोले ‘ड्रिभन बाई’ सह-प्रायोजकको रूपमा सहकार्य गरेको थियो ।
ओमोडा एन्ड जेइको र नेपाल प्रिमियर लिग दुवैले ‘उत्कृष्ट पर्फमेन्स, लगाव तथा इनोभेसन’को दृष्टिकोणलाई बढावा दिने भएकोले यो सहकार्य त्यही साझा दृष्टिकोणस्वरूप भएको हो ।
ओमोडा एन्ड जेइको ब्रान्डहरूले उत्साह, प्रदर्शन र उत्कृष्टताको भावना बोकेको एसपीजी अटोमोबाइल्सका निर्देशक गौरव शारडाले बताए । 'जुन नेपाली क्रिकेट तथा नेपाली क्रिकेटप्रेमीहरूसँग स्वाभाविक रूपमा जोडिन्छ,' उनले भने, 'यो साझेदारीमार्फत हामी खेलकुदप्रतिको उत्साहजनक मोह र ऊर्जालाई बढावा दिँदै, नेपाली युवाहरूलाई खेलसँग निरन्तर जोडिन प्रोत्साहित गर्न चाहन्छौँ ।'
एनपीएल सिजन २ का ‘ड्रिभन बाई’ पार्टनरका रूपमा, ओमोडा एन्ड जेइकोले उत्साहजनक ब्रान्ड गतिविधिहरू, फ्यान इन्गेजमेन्ट जोन र विशेष गाडी प्रदर्शनहरूमार्फत दर्शकहरूको अनुभवलाई अझ रोचक बनाउनेछ ।
