। बलिउड ‘भाइजान’ सलमान खानले पछिल्लो आकर्षक सुगठित शरिरको फोटो सार्वजनिक गरेका छन् ।
प्रशंसकले उनको फिटनेसको बारेमा चिन्ता व्यक्त गरिरहँदा सलमानको पछिल्लो फोटो आएको हो । उनको नयाँ लुक्स आकर्षक देखिन्छ र धेरैका लागि प्रेरणादायी पनि ।
सलमानले आफ्नो आधिकारिक इन्स्टाग्राम अकाउन्टमा सोमबार राती दुई फिटनेस फोटो सेयर गरेका छन्, जसमा उनी सर्टलेस देखिन्छन् ।
तस्वीरमा उनको एब्स स्पष्ट रूपमा देखिन्छ । उनले क्याप्सनमा लेखेका छन्, ‘केही हासिल गर्न, तपाईंले केही त्याग्नुपर्छ । यो हार नमानीकन हो ।’
केही समयअघि, ‘बिग बोस’ को वीकेन्डका वार एपिसोडबाट सलमानको एउटा भिडियो बाहिर आएको थियो, जसमा उनी कार्यक्रम होस्ट गर्दा बारम्बार कुर्सीको सहारा लिइरहेको देखिन्थ्यो ।
भिडियो सार्वजनिक भएपछि फ्यान निकै चिन्तित थिए, त्यसपछि अभिनेताले अर्को एपिसोडमा धेरै घण्टाको सुटिङका कारण आफू थाकेको कुरा स्पष्ट पारे ।
सलमान चाँडै नै फिल्म ‘ब्याटल अफ गलवान’ मा देखिनेछन् । फिल्मबाट उनको लुक पनि सार्वजनिक भएको छ, जसमा उनले सैनिक कर्णेल सन्तोष बाबुको भूमिका निर्वाह गरेका छन् ।
