: २९ वर्षीया जेमी मेहलम र ५ वर्षको घोडा (हाफ योर्स)को जोडीले संसारलाई चकित पार्दै यो वर्षको मेलबर्न कप उचालेको छ। भिक्टोरिया राज्यको मेलबर्नको फ्लेमिङटनमा मंगलबार भएको १६५औं अन्तर्राष्ट्रिय घोडा दौडको उपाधि जित्ने मेहलम पहिलो घोडसवार महिला हुन्। उनले आफ्नै घरेलु मैदान मेलबर्नमा अन्य २३ जना घोडसवारलाई उछिन्दै ऐतिहासिक सफलता प्राप्त गरेकी हुन्।
संसारलाई चकित तुल्याउँदै इतिहास रच्ने अस्ट्रेलियन महिला (जोकी )घोडसवार जेमीको नयाँ सफलताले उनलाई निकै भावुक तुल्याएको त थियो नै आफैं आश्र्चयचकित पनि भइन्। जितपछि मेहलमको पहिलो शब्द थियो, ‘के भयो अहिले ? ओ माई गड !) उनका लागि यो अपेक्षित सफलता थियो। किनभने उनले प्रतिस्पर्धामा उत्रनु अघि नै जित सुनिश्चित भएको दाबी गरेकी थिइन्। तै पनि मेहलम अत्यन्तै भावुक हुँदै जितको क्षणमा रोएकी थिइन्। तर, उनले जितको रहस्य र कारण पनि सुनाइन्। भनिन्, ‘हामी बिहान ४ बजे उठ्थ्यौं। र, निरन्तर मेहनत गथ्र्यौं। आज त्यसको फल पाएँ।’
अन्य घोडसवारहरूले पनि यी युवतीको सफलता चमत्कारिक रहेको टिप्पणी गरेको छन्। ८० हजारभन्दा धेरै दर्शक अगाडि तीव्र गतिमा कुदेको दृश्य सम्झिँदै २०१५ मा मेलबर्न कप जित्ने पहिलो महिला जोकी मिशेल पेनले प्रतिक्रिया दिँदै भनिन्, ‘यो सुन्दा मेरो छाला मुस्कुराउँदै उठ्यो...। जेमीले घोडा दौड क्षेत्रमा नयाँ आयाम थपिन्। म उनका लागि निकै उत्साहित छु।’
मेलबर्न कप चुमे सँगै जेमीका प्रशिक्षकहरूले पनि खुसी व्यक्त गरेका छन्। ‘हाम्रो लागि यो गर्वको क्षण हो...साँच्चै अद्भुत अनुभव हो।’ प्रशिक्षकहरूले भने।
तर, मेहलमले यो जित आफ्नो परिवार र सम्पूर्ण महिला जोकीहरूका लागि समर्पण गरेकी छन्। उनले आफ्ना दिवंगत बुबालाई सम्झँदै भनिन्, ‘उहाँ माथिबाट मेरो लागि बाटो खोल्दै हुनुहुन्थ्यो। जसका कारण जित हात पारे।’
जेमी १५ वर्षदेखि घोडा दौड क्षेत्रमा सक्रिय छन्। उनी महिला जोकीका लागि प्रेरणादायी व्यक्तित्व मानिन्छिन्। मेहलमले आफ्नो घोडी हाफ योरस् सवार हुँदै गरेको नयाँ इतिहासको रचनाले सन्सार भरका महिलाको पनि शिर उँचो तुल्याउने प्रेरण प्रदान गरेको छ।
मेलबर्न कपमा मेहलमको घोडी हाफ योरस्ले उत्कृष्ट प्रदर्शन गर्दै दोस्रो स्थानको घोडी (गुडी टु सुज) र तेस्रो स्थानको मिडिल अर्थलाई पछि पार्यो। प्रसंशकहरूले उनको जीतलाई केवल व्यक्तिगत सफलता मात्र नभई अस्ट्रेलियाको घोडा दौड इतिहासमा महिला जोकीको क्षमताको प्रमाणका रूपमा लिएका छन्। कतिपयले त ‘सम्पूर्ण महिला जोकी र घोडा दौड प्रेमीहरूका लागि यो प्रेरणादायी सफलता हो’ पनि भनेका छन्। पेशेवार घोडसवार मेहलमले १५ वर्षको अथक मेहनतपछि फल प्राप्त गरेको बताएकी छन्।
‘यो वर्ष मेरो जीवनको अद्भुत वर्ष हो। मैले विवाह पनि गरेँ। दौडमा धेरै उत्कृष्ट दिन बिताएँ । तर, आजको अनुभवसँग कुनै क्षणको तुलना हुन सक्दैन’, उनले भनिन्। विश्वको ध्यान तान्ने मेहलमको सफलतामा उनका बुबा सधैं सहयोगी र ठूला समर्थक थिए। उनीले थपिन्, ‘यो जित आफ्नो परिवार र सबै महिला जोकीहरूका लागि समर्पित छ।’
मेहलमले मिशेल पेनपछि मेलबर्न कप जित्ने दोस्रो महिला जोकीको रूपमा नयाँ इतिहास लेखेकी हुन्। मेलबर्न कपमा दोस्रो स्थान वाने लर्डानले प्राप्त गरे। उनी गुडी टु सुज नामक घोडामा सवार थिए। तेस्रो स्थान इथान ब्रोनले हासिल गरे। उनी मिडिल अर्थ नामको घोडामा सवार थिए । मेलबर्न कप ३ हजार २०० मिटर दूरीको दौड हो। जुन विश्वमै प्रसिद्ध छ। दौडमा स्थानीयका साथै अन्तर्राष्ट्रिय घोडाहरू, प्रशिक्षकहरू,जोकीहरू सहभागी थिए।
