: कालमेगी आँधीका कारण फिलिपिन्समा अहिलेसम्म ५२ जनाको मृत्यु भइसकेको छ भने लाखौं मानिस घरबार छोडेर भागेका छन्। १३ जना अझै बेपत्ता छन्। कालमेगी आँधीले ठूलो क्षेत्र डुबानमा पारेको छ।
सबैभन्दा ठूलो बाढी सेबुको घना जनसंख्या भएको मध्य टापुमा आएको छ। यहाँ मृत्यु हुनेको संख्या पनि बढी छ। राहत सहयोग गर्ने क्रममा हेलिकोप्टर दुर्घटना भएको छ। हेलिकोप्टर दुर्घटनामा ६ जनाको मृत्यु भएको जनाइएको छ।
उक्त हेलिकप्टर सेबुको दक्षिणमा रहेको मिन्डानाओ टापुमा दुर्घटनाग्रस्त भएको हो। फिलिपिन्समा प्रत्येक वर्ष औसत २० वटा आँधी आउने गर्छ। एक महिनाअघि आएको आँधीले पनि धेरैको ज्यान लिएको थियो।
