: अमेरिकी पूर्व राष्ट्रपति बिल क्लिन्टनले जोहरान ममदानीलाई न्यूयोर्कको मेयरको चुनावमा विजयी भएकोमा बधाई दिएका छन्। 'जोहरान ममदानी, न्यूयोर्कको मेयर बनेकोमा बधाई छ। राम्रो, न्यायपूर्ण र पहुँचयोग्य न्यूयोर्क निर्माण गर्ने तपाईंको अभियानको जोश र उत्साहलाई प्रयोग गर्न म तपाईंलाई शुभकामना दिन्छु,' क्लिन्टनले भने ।
क्लिन्टनकी श्रीमती तथा पूर्व अमेरिकी विदेशमन्त्री हिलारी क्लिन्टनले पनि जोहरान ममदानीलाई बधाई दिएकी छिन्। 'यस वर्ष न्यूयोर्क शहरको चुनावमा विगत ५० वर्षको तुलनामा धेरै मानिसहरूले मतदान गरे। यो लोकतन्त्रको विजय हो र जोहरान ममदानीको प्रेरणादायी अभियानको प्रमाण हो। विश्वको सबैभन्दा ठूलो शहरको अर्को मेयरलाई बधाई छ,' उनले लेखेकी छन्।
सीबीएसका अनुसार ३४ वर्षीया ममदानी न्यूयोर्कको सबैभन्दा कान्छी र पहिलो मुस्लिम तथा दक्षिण एसियाली मेयर बनेका हुन्।
