— अमेरिकाको न्यूयोर्कस्थित ब्रुकलिनमा एक यहुदी धार्मिक स्कुल (येशिवा)को भित्तामा नाजी लोगोलाई लिएर विवाद उत्पन्न भएको छ ।
न्यूयोर्क सहरको मेयरमा जोहरान मम्दानी निर्वाचित भएलगत्तै यो घटना भएको हो । यहुदी स्कुलको भित्तामा जर्मन तानाशाहा हिटलरको चिह्न स्वस्तिक बनाइएको छ ।
यस घटनामा मम्दानीले पनि आफ्नो प्रतिक्रिया दिएका छन् । न्यूयोर्क पोस्टका अनुसार म्याडाउनल्ड एभेन्युस्थित म्यागन डेभिड येशिवाको झ्याल र भित्ताहरुमा रातो रंगले स्वस्तिक चिह्न बनाएको देखेपछि स्थानीयले प्रहरीलाई खबर गरेका थिए ।
हिटलरले दोस्रो विश्वयुद्धका क्रममा करिब ६० लाख यहुदीहरुको नरसंहार गरेका थिए । ममदानी निर्वाचित भएलगत्तै यहुदीविरोधी तत्वहरुले उक्त चिह्न स्कुलमा बनाएपछि स्थानीय आक्रोशित बनेका छन् ।
अन्तर्राष्ट्रिय समाचार संस्था बीबीसीका अनुसार ममदानीले यस घटनामा कडा प्रतिक्रिया दिएका छन् । सामाजिक सञ्जाल एक्समा उनले लेखेका छन्, ‘यो निकै घृणित र मन दुखाउने यहुदी विरोधी कार्य हो । र हामी हाम्रो सुन्दर सहरमा यस्ता कुनै प्रकारका क्रियाकलापलाई स्थान दिनेछैनौं ।’
उनले अघि भनेका छन्, ‘मेयरका रुपमा म सधैं यहुदी समुदायको पक्षमा सशक्त रुपमा उभिनेछु । सहरमा यस्ता प्रकारका घृणालाई पूरै तरिकाले अन्त्य गरिनेछ ।’ प्रहरीले यस घटनामा अहिलेसम्म कसैलाई पक्राउ गरेको छैन ।
स्कुलको सीसीटिभी क्यामेरामा एक संदिग्ध व्यक्ति देखिएका छन् । कालो कपडा लगाएर साइकलमा आएका ती व्यक्तिले इशिवाको भित्तामा चढेर उक्त चिह्न बनाएका थिए । गभर्नर क्याथी होचुलले यस्तो गतिविधिलाई आतंकवादको कार्य भनेकी छिन् ।
