— रास्वपाका कार्यवाहक सभापति डीपी अर्यालले परिवर्तनकारी दल, संगठन, समूह वा व्यक्तिलाई एकीकृत गर्ने जिम्मेवारी रास्वपाको भएको तर हातेमालो गर्ने नाममा पार्टी कब्जा गर्ने नियतको भने प्रतिवाद गर्ने बताएका छन् ।
चितवनको सौराहमा जारी रास्वपाको केन्द्रीय विस्तारित बैठकमा उनले पेश गरेको राजनीतिक प्रतिवेदनमा यस्तो कुरा उल्लेख गरिएको छ ।
अर्यालले पेश गरेको प्रतिवेदनमा वैकल्पिक राजनीतिक दलमध्ये जनआन्दोलनका दृष्टिले सबैभन्दा ठूलो हुनुको नाताले पनि परिवर्तनकारी दल, संगठन, समूह वा व्यक्तिलाई एकीकृत गर्ने जिम्मेवारी रास्वपको भएको उल्लेख छ ।
प्रतिवेदनमा लेखिएको छ, 'यसमा हामी पूर्ण सर्तक र गम्भीर छौं । पार्टी स्थापना गर्दा अहिले नाम आएका सबैसँग सँगै जाउँ भनेर कुरा गर्दाको साथी नै हुँ । तर, त्यसबेला उहाँहरूले पत्याउनु भएन । अहिले पनि हामी जहाँकहाँवाटै हातेमालोको खाँचो गर्छौं । तर, यो 'पार्टीको इगोहास' र 'पहिचान डाहाहरूले पनि बुझ्नु पर्छ । पार्टी बनाउने चाहनालाई स्वागत छ । तर, 'कब्जा' गर्ने नियतको चाहिँ खुला प्रतिवाद गर्छौं नै ।'
अर्यालले पेश गरेको ४८ पृष्ठ लामो प्रतिवेदनमा जेन-जी आन्दोलनलाइ हेर्ने पार्टीको दृष्टिकोणदेखि वर्तमान सरकारबारे रास्वपाको धारणा र पार्टीको भावी योजना लगायतका बिषय समेटिएका छन् । प्रतिवेदनमा जेन-जी आन्दोलनलाइ २३ र २४ गते छु्ट्याएर हेर्नुपर्ने कुरा पनि उल्लेख गरिएको छ ।
प्रतिवेदनमा उल्लेख गरिएका छ, सार्वजनिक भएका केही तथ्यले मधे २४ को घटना योजनावद्ध हो कि भन्ने आशंकालाई पुन बढाएको छ । दुई दिनका घटनाक्रम पस्पष्ट र जनावधरसम्पन्न छानबिन आवश्यक छ ।'
प्रतिवेदनमा २३ गते राज्य शक्तिको दुरूपयोग भएकैले २४ गतेका घटना भएको उल्लेख गरिएको छ । प्रतिवेदनमा लेखिएको छ, ' दुवै दिनका घटनाको निष्पक्ष छानबिन गरी अपराध र संलग्नताको आधारमा दोषीलाई कारवाही गर्नुपर्छ । चाहे २३ गते नरसंहार गर्नेवाला हुन् ।'
