मुख्य समाचार
इशोधरा गाउँपालिकामा नयाँ ल्याइएको २ वटा एम्बुलेन्सहरू ८ महिनादेखि सञ्चालनमै नआई प्रयोगविहीन अवस्थामा
इशोधरा गाउँपालिकामा नयाँ ल्याइएको २ वटा एम्बुलेन्सहरू ८ महिनादेखि सञ्चालनमै नआई प्रयोगविहीन अवस्थामा

: इशोधरा गाउँपालिकामा नयाँ ल्याइएको २ वटा एम्बुलेन्सहरू ८ महिनादेखि सञ्चालनमै नआई प्रयोगविहीन अवस्थामा छन्।



गाउँपालिकाको वडा नम्बर १ र वडा नम्बर ७ को तर्फबाट सञ्चालन गर्न ल्याइएको २ एम्बुलेन्सहरू चालक नहुँदा अलपत्र परेका हुन्। १० लाख रुपैयाँ वडाको बजेट र १० लाख रुपैयाँ गाउँपालिकाको बजेट खर्च गरी पूर्ण राजश्व छुट गरी २० लाख रुपैयाँको वडा नम्बर १ ले सञ्चालन गर्ने गरी एउटा एम्बुलेन्स खरिद गरिएको थियो। यसैगरी वडा नम्बर ७ ले सञ्चालन गर्ने गरी ल्याइएको अर्को एम्बुलेन्स गैरसरकारी संस्थाको पूर्ण सहयोगमा प्राप्त भएको वडा नम्बर ७ का वडाध्यक्ष चन्द्र प्रकाश दुवेले बताए।


गाउँपालिकामा आएको २ वटा एम्बुलेन्स सञ्चालनका कार्यविधि बनाएर चालक भर्नाका लागि विज्ञापन गरिए पनि हालसम्म सो विज्ञापनबाट चालक छनौट हुन सकेको छैन। चालकविहीन अवस्थामा रहेको यी एम्बुलेन्सहरू ८ महिनादेखि अलपत्र अवस्थामा छन्।



आफ्ना नजिकका व्यक्तिहरूलाई चालकमा भर्ना गर्ने विषयमा गाउँपालिकाका कर्मचारी र जनप्रतिनिधिहरू बीच कुरा मिल्न नसक्दा चालक छनौट प्रक्रिया नै अघि बढ्न नसकेको पालिकाका एक कर्मचारीले बताए।

गाउँपालिकाका गरिब विपन्न सर्वसाधारण लगायत अन्य आम सर्वसाधारणको स्वास्थ्य सेवा सहज गराउन ल्याइएको एम्बुलेन्स ८ महिना बितिसक्दा पनि सञ्चालन गर्न नसक्नु गाउँपालिकाको ठूलो कमजोरी रहेको वडा नम्बर ३ का राम सागर यादवले बताए।

गाउँपालिका परिसरमा ८ महिनादेखि खुला आकाशमा यी दुई एम्बुलेन्सहरू अलपत्र छन्। यसरी अलपत्र अवस्थामा एम्बुलेन्स राख्दा यसको टायर तथा अन्य पार्ट पुर्जाहरूमा पनि खिया लागि रहेको छ। चालक छनौटका लागि पालिकाले आजै सूचना प्रकाशित गरी प्रक्रिया अघि बढाइएको पालिकाका प्रमुख प्रशासकीय अधिकृत रिषभदेव खनालले बताए।

प्रतिक्रिया दिनुहोस्
अन्य समाचारहरु
। कर्णाली करिडोरको दक्षिणदेखि उत्तरी सीमासम्म सडक निर्माण तथा स्तरोन्नतिको काम अघि बढेको छ । भारतसँगको सीमा जमुनाहादेखि चीनसँगको सीमा हिल्सासम्म जोडिने ५०५ किलोमिटर लामो यस करिडोरअन्तर्गत दक्षिण खण्डको ४१ किलोमिटर सडक कालोपत्रे हुने भएको छ । यसका लागि तीनवटा ठेक्काको बोलपत्र मूल्याङ्कन गरी निर्माण व्यवसायी छनोटको काम सुरु भएको छ । उत्तरी खण्डअन्तर्गत हिल्सा–सिमकोट सडक ...
। मुगुमा भएको गाडी दुर्घटनाका घाइते दुई जनाको हेलिकोप्टरबाट उद्धार गरिएको छ । सोमबार बिहान नेपाली सेनाको हेलिकोप्टरबाट ललितपुर महानगरपालिका–१५ का गाडी चालक ५८ वर्षीय कन्चन थापा र उनकी श्रीमती अन्जु थापालाई उद्धार गरी कर्णाली प्रदेश अस्पताल सुर्खेत ल्याइएको हो । रारा ताल जाने क्रममा आइतबार मुगुको छायानाथ नगरपालिका–७, टोप्लामा बा १७ च १८६४ नम्बरको हाइलक्स गाडी ...
। आँखाको ज्योति कमजोर हुँदै गएपछि उपचारका लागि सहर धाउनुपर्ने बाध्यता अब मिक्लाजुङका नागरिकलाई केही हदसम्म हट्ने भएको छ। गाउँमै विशेषज्ञ चिकित्सकबाट आँखाको परीक्षणदेखि मोतियाबिन्दुको शल्यक्रियासम्मको सेवा उपलब्ध गराउने उद्देश्यले मोरङको मिक्लाजुङ गाउँपालिकामा बृहत् आँखा शिविर सञ्चालन गरिएको हो। वरिष्ठ नेत्र चिकित्सक डा. सन्दुक रुइतको नेतृत्वमा संचालन भैरहेको शिविरमा मोतियाबिन्दुको शल्यक्रियासहित विभिन्न आँखासम्बन्धी रोगको परीक्षण तथा उपचार ...
। नेपाली कांग्रेसका सभापति गगनकुमार थापाले राष्ट्रिय विभूति महागुरु फाल्गुनन्दको जन्मजयन्तीका अवसरमा उनीप्रति हार्दिक श्रद्धासुमन व्यक्त गरेका छन्। बुधबार सामाजिक सञ्जालमार्फत एक सन्देश जारी गर्दै सभापति थापाले ‘सत्यधर्म मुचुल्का’ मार्फत समाज सुधार तथा किराँत धर्म र संस्कृतिको मौलिक पहिचान एवं संरक्षणमा फाल्गुनन्दले पुर्‍याएको योगदान अतुलनीय रहेको स्मरण गरेका छन्। महागुरु फाल्गुनन्दले देखाएको सत्य, अहिंसा, समानता, सदाचार र ...
: परराष्ट्रमन्त्री शिशिर खनालले तुर्कीएको आन्ताल्यामा सोमबारबाट सुरू भएको जलवायु परिवर्तनसम्बन्धी संयुक्त राष्ट्रसंघीघीय सम्मेलन (कोप-३१) मा नेपाल पेभिलियनको उद्घाटन गरेका छन्। नेपालको जलवायु महत्वाकांक्षा, जैविक विविधता संरक्षणका क्षेत्रमा हासिल गरेका उपलब्धि तथा समुदायस्तरमा सञ्चालन गरिएका अनुकूलनका प्रयासहरूलाई अन्तर्राष्ट्रिय समुदायमाझ प्रस्तुत गर्ने उद्देश्यले नेपाल पेभिलियन स्थापना गरिएको हो। पभेलियन उद्घाटन समारोहलाई सम्बोधन गर्दै परराष्ट्रमन्त्री खनालले संवेदनशील हिमाली ...